ବନ୍ଧୁତା-୨

ଜୀବନ ନାଟକେ ତୁମେ ହିଁ ପ୍ରେରଣା

ଆହେ ମୋର ପ୍ରିୟ ବନ୍ଧୁ

ଘନକୁହୁଡ଼ି ର ତୁମେ ବିନ୍ଦୁ ରେଖା

କାକର ମୁକୁତା ବିନ୍ଦୁ ।

ବନ୍ଧୁ ରୂପ ନେଇ ସାଥିରେ ଚାଲୁଛ

ଯେବେଠୁ ହୋଇଛି ଦେଖା

ଶରୀର ଗୋଟିଏ ଦୁନିଆ ଆଖିରେ

ମୋ ପାଇଁ ରୂପ ଅଧିକା ।

ପତ୍ର ବିନା ବୃକ୍ଷ ଶ୍ରୀହୀନ ଯେମିତି

ଜଳ ବିନା ମୀନ ଯେହ୍ନେ

ଶ୍ରୀହୀନ ହୋଇବ ସମ୍ପର୍କର ସ୍ତୁପ

ତୁମ ବିନା ସବୁ ଦିନେ ।

ଆମ ଏ ସଂପର୍କ ଫୁଲ ଟିଏ ହୋଇ

ବାସୁଥିବ ଅବିରତ

ଅତୁଟ ରହିବ ସମ୍ପର୍କ ର ଡୋର

ଆସୁ ଯେତେ ପ୍ରତିଘାତ ।

ଆମ ଏ ବନ୍ଧୁତ୍ୱ ବିଶ୍ଵ ବାର୍ତ୍ତା ହେବ

ସ୍ୱର୍ଣ୍ଣ ବର୍ଣ୍ଣେ ହେବ ଲେଖି

ଆଜୀବନ ଦୁହେଁ ଏକାଠି ଚାଲିବା

କାଳିଆ ରହିଛି ସାକ୍ଷୀ ।