ବନ୍ଧୁତ୍ୱ

ବନ୍ଧୁତ୍ୱ ଅଟଇ ଅନାବିଳ ଅବ୍ୟକ୍ତ ସେ ପ୍ରେମ

ପ୍ରତିଟି ମୁହୂର୍ତ୍ତରେ ସେ ଅଟେ ମର୍ମ ,କର୍ମ, ଧର୍ମ ।

କୌଣସି ସୀମା ରେଖା ବନ୍ଧୁତ୍ୱକୁ ବାନ୍ଧି ତ ପାରେନା

ମୁହଁରେ ସ୍ମିତହସ ତ କେବେ ମଉଳି ପଡେନା ।

ବନ୍ଧୁଟି ବୁଝିପାରେ କୋମଳ ହୃଦୟର କଥା ,

କିଛି ଯଦି ଭୁଲ କରିଦେ ନଇଁ ଯାଏ ତା ମଥା ।

ଏତିକି ଜାଣିଛି ମୁହିଁ ପୁଣି ଏତିକି ବୁଝିଛି ,

ବନ୍ଧୁତ୍ୱର ପରିଭାଷା ପୁରାଣରୁ ମୁଁ ଶିଖିଛି ।

କୃଷ୍ଣ ଓ ସୁଦାମାଙ୍କ ବନ୍ଧୁତ୍ୱ ଅମର ଅଟଇ ,

ସ୍ନେହ ଶ୍ରଦ୍ଧା ଭଲ ପାଇବାର ପ୍ରତୀକ ସେ ଦୁଇ ।