ବନ୍ଧୁ

ବନ୍ଧୁ ବିନା ନିଃସ୍ୱ ଲାଗଇ ଜୀବନ

ବନ୍ଧୁ ସଭିଙ୍କର ଲୋଡା ।

ଭଲରେ ମନ୍ଦରେ ଆପଦେ ବିପଦେ

ବନ୍ଧୁଟିଏ ହୁଏ ଛିଡା  ।୧।

ବାଳ ବୃଦ୍ଧ ଅବା ଯୁବା ସଭିଙ୍କର

ଆବଶ୍ୟକ ବନ୍ଧୁଟିଏ ।

ବନ୍ଧୁ ମନ କଥା ବନ୍ଧୁ ଆଗେ କହେ

ତା ବିନା ଶୁଣିବ କିଏ ?୨।

ବନ୍ଧୁ ଆଗେ ସବୁ ମନକଥାଯାକ

କହିବାକୁ ଲାଗେ ଭଲ ।

ନକହି ପାରିଲେ ମନକଥା ସବୁ

ହୃଦ କରେ କଲବଲ ।୩।

ବନ୍ଧୁଟିଏ କରେ ଦନ୍ଧୁର ଆଦର

ସୁଖେ ଦୁଃଖେ ହୁଏ ସାଥି ।

ବନ୍ଧୁଟିଏ ବନ୍ଧୁ ପାଶେ ରହିଥିଲେ

ନଥାଏ ମନରେ ଭୀତି ।୪।

ଯେତେ ଦୂରେ ଥିଲେ ବନ୍ଧୁଟି ନିକଟେ

ରହିବା ପରି ଲାଗଇ ।

ବନ୍ଧୁ ମିଳନରେ ମିଳେ ମହାସୁଖ

କିଏ ଅବା ନଜାଣଇ ।୫।

ବନ୍ଧୁ ପରି ବନ୍ଧୁ ମିଳିବା କଠିନ

ତେବେ ନୁହଇ ଦୁର୍ଲ୍ଲଭ ।

କୃଷ୍ଣ ସୁଦାମାଙ୍କ ବନ୍ଧୁତ୍ବ କିପରି

ଦେଖ ହୋଇଲା ସୁଲଭ ।୬।

ବନ୍ଧୁଟିଏ ହେଲେ ବନ୍ଧୁ ମହାନ୍ତିର

ନିଜେ ପ୍ରଭୁ ଜଗନ୍ନାଥ ।

ଭୋକ ବିକଳରୁ ମୁକତ କରିଲେ

ଜାଣିଲା ସାରା ଜଗତ ।୭।

ମାତା ପିତା ଗୁରୁ ବନ୍ଧୁ ପରିଜନ

ସଭିଙ୍କୁ କର ଆଦର।

ପତିପତ୍ନୀ ପତ୍ନୀପତି ସମ ବନ୍ଧୁ

ଦୁର୍ଲ୍ଲଭ ଏ ପରସ୍ପର ।୮।

ଗୁରୁଙ୍କ ସମାନ ବନ୍ଧୁଟିଏ ତୁମେ

କେବେହେଲେ ନପାଇବ ।

ପ୍ରଭୁଙ୍କ ସହିତ ବନ୍ଧୁତା କରିଲେ

ଭବବନ୍ଧୁ ନିସ୍ତରିବ ।୯।