ବନ୍ଧନ
ବନ୍ଧନ
ସ୍ନେହ ମମତାର ପବିତ୍ର ବନ୍ଧନ
ସହଜରେ ଛିଣ୍ଡେ ନାହିଁ
ଯେତେ ଦୂରେ ଯିଏ ଯାଇ ଥାଉ ପଛେ
ଏଇ ଆଖି ଥାଏ ଚାହିଁ ।
ଆଖି ପଲକରୁ ନିଦ ହଜି ଯାଏ
ଚାତକ ପରାୟ ରହେ
ହୃଦୟ ଭିତରେ ଭଲ ପାଇବାର
ପ୍ରୀତି ନିର୍ଝରିଣୀ ବହେ ।
ଏମିତି ବନ୍ଧନ ଚିରସ୍ଥାୟୀ ଥାଏ
ନା ତୁଟି ସିଏ ଥାଏ
ଯେତେ ବାଧାବିଘ୍ନ ଆସୁଥାଉ ପଛେ
ନା ଭାଙ୍ଗି ଥାଏ ସିଏ ।
ସ୍ବାମୀ ସ୍ତ୍ରୀଙ୍କର ପବିତ୍ର ସମ୍ପର୍କ
ସାତ ଜନ୍ମ ପାଇଁ ଥାଏ
ଅଗ୍ନି ସାକ୍ଷୀରଖି ସାତଫେରା ନେଇ
ବନ୍ଧନରେ ବାନ୍ଧି ହୁଏ ।
ଦୁଃଖର ସୁଖର ସାଥି ସେ ହୁଅନ୍ତି
ଏକ ସାଥେ ଚାଲି ଥାନ୍ତି
ପରସ୍ପରର ସେ ଜୀବନ ପାଲଟି
ଛାଇ ପରି ରହିଥାନ୍ତି ।
ଭାଇ ଭଢ଼ଣୀଙ୍କ ପବିତ୍ର ବନ୍ଧନ
ଯୁଗ ଯୁଗ ପାଇଁ ଅଛି
ଏମିତି ସ୍ନେହର ସମ୍ପର୍କ ଡୋରକୁ
ନା କିଏ ଭୁଲି ପାରିଛି ।
ଗୁରୁ ଶିଷ୍ୟଙ୍କର ସମ୍ପର୍କ ବନ୍ଧନ
ଅନେକ କାଳରୁ ଅଛି
ରାମାୟଣ ମାହାଭାରତ ପୋଥି ତା
ପ୍ରମାଣ କରି ସାରିଛି ।
ଭକ୍ତ ଭଗବାନ ପବିତ୍ର ସମ୍ପର୍କ
ବନ୍ଧନର ନିଗୁଢତା
ଭକ୍ତ ସାଲବେଗ ବଳରାମ ଦାସ
ବନ୍ଧୁ ମହାନ୍ତି ବନ୍ଧୁତା ।
ସେ ଭକ୍ତି ବନ୍ଧନ ଚିରସ୍ଥାୟୀ ଥାଏ
ଯୁଗ ଯୁଗର ବନ୍ଧନ
ପ୍ରଭୁ ପାଇଁ ଭକ୍ତ ହୁଅଇ ପାଗଳ
ଭକତ ତାର ଜୀବନ
ଭକତର ପାଇଁ ଓହ୍ଲାଇ ଆସନ୍ତି
ବଡ ଦାଣ୍ଡେ ଭଗବାନ ।
ବନ୍ଧନ ଅଟଇ ପବିତ୍ର ସମ୍ପର୍କ
ଅଧାରୁ ନା ଛାଡି ହୁଏ
ଜଣକୁ ଛାଡି କି ଅନ୍ୟ ଜଣେ ନା
ସହଜରେ ଯାଇ ଥାଏ ।
ପବିତ୍ର ବନ୍ଧନ ଭିତରେ ବି କେବେ
ସନ୍ଦେହକୁ ଆଣ ନାହିଁ
ସନ୍ଦେହଟା ଗୋଟେ ଏମିତି ଗୋଟିଏ
ବନ୍ଧନଟା ଭାଙ୍ଗେ ସେହି ।
ସ୍ବାର୍ଥକୁ ବି କେବେ ପ୍ରଶୟ ଦିଅନା
ବନ୍ଧନ ସେ ରଖେ ନାହିଁ
ସ୍ବାର୍ଥର ପାଖରେ ବନ୍ଧନର ମୂଲ୍ୟ
ନିରର୍ଥକ ଯାଏ ହେଇ ।
ସ୍ନେହ ମମତାର ବନ୍ଧନେ ଆବଦ୍ଧ
ଯିଏ ହୁଏ ଜାଣେ ସିଏ
ସରଗ ସୁଖଠୁ ବଳି କେତେ ଏଇ ସୁଖ
ନା ବର୍ଣ୍ଣନା କରି ହୁଏ ।
ଏମିତି ବନ୍ଧନେ ସମସ୍ତେ ରୁହନ୍ତୁ
ହସି ସୁଖେ କଟୁ ଦିନେ
ଯୁଗ ଯୁଗ ପାଇଁ ଅତୁଟ ଯେ ରହୁ
ଏଇ ପବିତ୍ର ବନ୍ଧନ ।
