ବନ୍ଧନ ବେଡି

ବନ୍ଧୁ ହେ ! ଯିବା ଆସ ମୁକ୍ତ ଭୁବନେ,

ବନ୍ଧନ ବେଡି ନୁହେଁ ଜୀବନର ମାନେ l

ଜିଇଁ ଜିଇଁ ମରିବାର ସଉଭାଗ୍ୟ ଲଭି,

ପୂରା କରି ମନୋକାମ ଆରପାରି ଯିବି l

ଥାଉ ଥାଉ ପିଣ୍ଡ ଦେହେ ପ୍ରାଣ ବାୟୁ ମୋର,

ଜନ ହିତେ କାମ କରି ନାଆଁ ରଖିଯିବି l

ସେବୁଥିବି ମହାମାରୀ ପ୍ରପୀଡ଼ିତ ଜନେ,

ବନ୍ଧନ ବେଡି ନୁହେଁ ଜୀବନର ମାନେ l

ଅହମିକା ନରକରେ ଯେତେ କ୍ଷଣ ଥିବି,

ମରି ମରି ଜୀବନକୁ ଏମିତି ଜିଇଁବି l

ଅଭିଳାଷ ନାହିଁ ମୋର ମରି ଜିଇଁବାରେ,

ଅଙ୍କା ଥାଉ ଯାହା ପଛେ କପାଳ ରେଖାରେ l

କୋରନାର କୋରଡ଼ାରୁ ଉଦ୍ଧାରିବି ଜନେ,

ବନ୍ଧନ ବେଡି ନୁହେଁ ଜୀବନର ମାନେ l