ବୈଷମ୍ୟ
ବୈଷମ୍ୟ
1 min
11.6K
ତୁମେ ପ୍ରଭୁ ମମ ମୁଁ ଯେ ଦାସ ତୁମ,
ଜନମରୁ ଜରା ଯାଏଁ ଜପେ ତୁମ ନାମ l
ତୁମେ ମୋ ମାଲିକ ମୁଁ ତୁମ ସେବକ,
ତୁମେ ନାୟକ ସର୍ବଥା ମୁଁ ସଦା ଖଳନାୟକ l
ତୁମେ ଆଦେଶ ଦେଲେ ପାଳନ କରେ,
ଅନ୍ୟଥା କଲେ ମରଣ ବରେ l
ବିଦ୍ରୋହ କରି ରହେ ମୁଁ ଭୋକେ,
ସାଲିସ କରି ମହତ ବିକେ l
ବଡ଼ ଦହଗଞ୍ଜ ଏ ଜୀବନ,
ହେ ଇଶ୍ୱର !
ତୁମେ ଶାଶ୍ୱତ, ଚିରନ୍ତନ,
ନଶ୍ୱର ମୋ ଦେହ, ଯଉବନ,
ତୁମ କୃପା ମୋ କଜ୍ଜଳ,
ତୁମ କଥା ମୋ ମଥା ଚନ୍ଦନ l
ତୁମେ ଭିଆଣ କର ମୁଁ କରେ ଭ୍ରଷ୍ଟ,
ତୁମେ ସୃଷ୍ଟି କର ମୁଁ ତ କରେ ନଷ୍ଟ l
ଖାସ ସେଇଥି ପାଇଁତ,
ମୁଁ ହୀନ ତୁମେ ମହାନ,
ମୁଁ ପାପୀ ତୁମେ ପାବନ l
ମୁଁ ନିଉନ ତୁମେ ନିରାକାର,
ଆମ ଦୁହିଁଙ୍କ ଭିତରେ ଅଙ୍କା
ବିଭେଦ ପ୍ରାଚୀର l l