ବନ୍ଦେ ଉତ୍କଳ ଜନନୀ
ବନ୍ଦେ ଉତ୍କଳ ଜନନୀ
ଓଡ଼ିଆ ବୋଲି ମୁଁ ଗର୍ବ କରେ ରେ
ଏ ତ ଧର୍ମର ଦେଶ
କେତେ ଅଶୋକ ଧର୍ମ ଆଚରି
ବଦଳାଇନେଲେ ବେଶ....
ଟିକି ବାଜିଆ ର ସାହସକୁ ଯେଉଁ
ଇଂରେଜ ଗଲା ଡରି,
ପଠାଣି ସମାନ୍ତ ମାପିଲେ ପର୍ବତ
ବାଉଁଶ ନଳୀ ଟେ ଧରି !!!
ଓଡ଼ିଆ ବୀର ର କି ଗୁଣ କହିବି
ଇତିହାସ ମୂକ ସାକ୍ଷୀ
କାଞ୍ଚି ଅଭିଯାନେ ଠାକୁର ଯାଆନ୍ତି
ରାଜା ର ବିଜୟ ଦେଖି !!
ରାଜା ପୂଜା ପା'ନ୍ତି ଠାକୁର ବେଶରେ
ଠାକୁର ତ ଏଠି ରାଜା
ମଣିମା ମଣିମା ଗୁହାରି ଶୁଣିମା
ନିତି ଡାକୁଥାଏ ପ୍ରଜା ....
ଠାକୁର ତ ଆମ ସଖା, ସହୋଦର
ଜନମେ ମରଣେ ଥାଏ ନୀତି ତାର
ପ୍ରାର୍ଥନା ରେ ଥାଏ ଆତ୍ମିକ ବିଚାର
ଦୁଃଖେ କଷ୍ଟେ ଦିଏ ଦେଖା ...
ଦେଖିଛ କି କେବେ ଏପରି ଠାକୁର,
ପଢିଛ କି କେବେ ଏପରି ସଂସ୍କୃତି ଲେଖା?
ଏ ତ ଖାଣ୍ଟି ଓଡ଼ିଆଙ୍କ କଥା
ଓଡ଼ିଆ ଘର ର, ଓଡ଼ିଆ ମନ ର
ଭାବ ପୀରତି ର ଗାଥା...
ଏ ତ ଖାଣ୍ଟି ଓଡ଼ିଆଙ୍କ କଥା ....
ସୁଜାତା ମହାପାତ୍ର