ଅଙ୍ଗ ଦାନ

ସ୍ୱର୍ଗ ଦ୍ୱାର ନେବା ଲୋଡ଼ା ନାହିଁ ମୋର

ହୃଦୟ ରେ ସ୍ଥାନ ଦେବ

ମୁକ୍ତି ମଣ୍ଡପ ରେ ଦାନ ଚାହେଁ ନାହିଁ

ଅଶ୍ରୁ ତର୍ପଣ କରିବ

ମୁଁ ଯେ ଗଲା ପରେ ଫୁଲ ହାର ନୁହେଁ

ସ୍ମୃତି ହାର ଲମ୍ବାଇବ

ମୋ ଶରୀର ନେଇ ପରୀକ୍ଷାଗାର ରେ

ଅର୍ପଣ ତୁମେ କରିବ

ଜୀବନ ରେ ସିନା ଅଲୋଡ଼ା ଆଖୋଜା

ମୃତ୍ୟୁ ପରେ ହୁଏ ଧନ୍ୟ

ମୋ ଶରୀର ଦେଉ କାହାରେ ଜୀବନ

ଚାହେଁନା ମୁଁ ପାପ ପୁଣ୍ୟ

ଯେତେବେଳେ ଚାହଁ ଦେହୁ ରକ୍ତ ନିଅ 

ଅନ୍ୟର ଜୀବନ ପାଇଁ

ଜୀଵ ଶେଷେ ପୁଣି ସବୁ ଅବୟବ 

ଦେବି ମୁଁ ରହିଛି ଚାହିଁ 

ଲୋଡ଼ା ନାହିଁ ମୋର ନିଆଁ ମୁଖେ ପୋଡା

ଲୋଡ଼ା ନାହିଁ ସମାଧିସ୍ଥ

ମାନବ କଲ୍ୟାଣେ, ଦୁଃଖୀଙ୍କର ସେବା

କରୁଥିବି ମୁହିଁ ନିତ୍ୟ

ଜୀବନ ମୋହର ବିତିଯାଉ ପ୍ରଭୁ

ରଖୁଥାଅ ସଦା ମାନ

ତୁମ୍ଭ ଆଶ୍ରା କରି ରହିଛି ହେ ପ୍ରଭୁ

ତୁମେ ନିର୍ଦ୍ଧନର ଧନ

ଜୀବନ ମରଣ ତୁମ୍ଭ ଲୀଳା ଖେଳା

ଆମ୍ଭେ ତ ମୁରୁଖ ଜନ

ତୁମ୍ଭ ଲୀଳା ପ୍ରଭୁ ତୁମ୍ଭଙ୍କୁ ଅଜଣା

ନିଅ କେବେ ଦିଅ ପ୍ରାଣ

ତୁମରି ସୃଷ୍ଟି ର କ୍ଷୁଦ୍ର କଣିକା ମୁଁ

ମୋର ବା ଶକତି କାହିଁ

ତଥାପି ହେ ପ୍ରଭୁ ବଞ୍ଚିବି ମରିବି

ତୁମ ସୃଷ୍ଟି ରକ୍ଷା ପାଇଁ....