ବନ୍ଦେ ମାତରଂ

ବୀର ପ୍ରସବିନୀ ମୋର ଏ ଭାରତ

ବୀର ବିରା ଗଣେ ପୂର୍ଣ୍ଣ

ଯେଉଁଠି ଶ୍ରୀରାମ ଶ୍ରୀକୃଷ୍ଣ ଅର୍ଜୁନ

ବୁଦ୍ଧଦେବଙ୍କର ଜନ୍ମ l

ଏ ଦେଶର ପାଣି ପବନ ନିଆରା

ପର୍ବତେ ଫୁଟାଏ ପଦ୍ମ

ନାନା ଅସ୍ତ୍ର ଶସ୍ତ୍ର ତିଆରିର ମର୍ମ

ଅଥର୍ବ ବେଦ ର କର୍ମ l

ମାରି ଜୀବଦାନ ଦେବାର କ୍ଷମତା

ଯେଉଁ ଜାତି ପlରେ କରି

ସେହି ମୋର ଦେଶ ତା ନାମ ଭାରତ

କେହି ନୁହେଁ ତାର ସରି l

ସତୀ ଅନସୂୟା ସୀତା ଓ ସାବିତ୍ରୀ

ଯେ ଦେଶେ ଜନମ ନେଲେ

ସେ ଦେଶେ ଜନମି କୁତାର୍ଥ ମଣୁଛି

ନିଜକୁ ଆଜି ମୁଁ ଭଲେ l

ଗାନ୍ଧିଜୀ ନେତାଜୀ ଲାଲ ବାଲ ପାଲ

ଯେ ଦେଶେ ଜନମି ଛନ୍ତି

ଇଂରେଜ ହାତରୁ ଶାସନ ଛଡାଇ

ଅହିଂସା ରେ ଆଣିଛନ୍ତି l

ନିଜେ ମରୁ ପଛେ ଅନ୍ୟାୟ ସହେନା

ଏ ଜାତିର ଅହଂକାର

ତଥାପି ସାହସ କରିଲା ଫିରିଙ୍ଗି

କରିବାକୁ ଅଧିକାର l

ବହୁ କଷ୍ଟ ସହି ଛଡାଇ ଆଣିଲେ

ସ୍ୱାଧୀନତା ଏ ଦେଶର

ସ୍ୱାଧୀନତା ମାନ ଆମେତ ରଖିବା

ଡୋରି ବାନ୍ଧି ମମତାର l

ଆମେ ଯଦି ତାକୁ ସୁରକ୍ଷା ନଦେଇ

ସ୍ଵାର୍ଥେ ଭୋଳ ହୋଇ ଯିବା

ସ୍ନେହ ପ୍ରେମ ପ୍ରୀତି ଜାତୀୟ ପତାକା

ସଂନମାନ କୁ ହରାଇବା l

ଏ ତ୍ରିରଙ୍ଗା ତଳେ ଠିଆ ହୋଇ ଆଜି

ଶପଥ କରିବା ଆସ

ଜାତିର ଏକତା ରକ୍ଷା କରି ସର୍ବେ

ଆଗେଇ ନେବା ଏ ଦେଶ l

ସିଂହ ଘରେ ପୁଣି ମିରିଗ ମାନଙ୍କୁ

ଆମେ ରଖାଇ ନଦେବା

ଗୃହ ଶତ୍ରୁ ସାଜୁଥିବା ବିଭିଷଣେ

ଉଚିତ ଶିକ୍ଷା ଯେ ଦେବା l

ସ୍ୱାଧୀନତା ଜନ୍ମଗତ ଅଧିକାର

ସେକଥା ନଭୁଲ ଭାଇ

ବନ୍ଦେ ମାତରଂ ବନ୍ଦେମାତରଂ

ମାତାର ସଂନମାନ ଏହି l