ବଳାତ୍କାର

ବଳାତ୍କାର,  ନିତିଦିନିଆ ଖବର

କଣ କହିବା,କିଛି କହିବାକୁ ସ୍ପୃହା ନାହିଁ

କିଛି ନ କହିଲେ, ମନରେ ଅବଶୋଷ

କେତେ ସହ୍ୟ କରିବା,ଆଉ ସହି ହେଉନି

ମିଳିମିଶି ସ୍ୱର ଉଠାଇଲେ ହିଁ କିଛି ହେବ।

ପରିବାର ଓ ସମାଜରେ

ପ୍ରପୀଡ଼ିତ ପ୍ରତି ମୁହୂର୍ତ୍ତରେ

ମୁହଁ ଲୁଚାଇ ଘରେ ରହିଲେ ହେବନି

ଏକ ଦାୟିତ୍ଵ ଭାବେ ଗ୍ରହଣ

ସମାଜର ଘୃଣା ଦୃଷ୍ଟିରୁ ବର୍ତ୍ତିବାକୁ ହେବ।

ନିଷ୍ଠୁର ମନୋଭାବ

ହିଂସା ର ଉଦ୍ରେକ ଓ ବିଭୀଷିକା

ସମାଜର ଚଳନ୍ତି ସଂସ୍କାର ଭୁଲୁଣ୍ଠିତ

ଅସ୍ଥିରତା ର ବାତାବରଣ ଘରେ ଓ ବାହାରେ।

ମଣିଷର ମନ ଅଣାୟତ୍ତ

ମାନବିକତା ର ଦ୍ୱାହି ଦେଇ ଅରାଜକତା

କ୍ଷଣିକ ସୁଖ ପାଇଁ

ମଣିଷ ରୁ ରାକ୍ଷସ ହେଉଛି।

ନିଷ୍ଠୁରତା ର ସୀମା ଲଂଘିବା ପୂର୍ବରୁ

କେମିତି,ମଣିଷ ମଣିଷକୁ ବୁଝିପାରୁ ନାହିଁ!!

ପଶ୍ଚାତାପ ସମାଧାନର ସୂତ୍ର ନୁହେଁ

ସମୟ ଆସିଛି,କିଛି କରିବାକୁ ହେବ!

ପ୍ରଥମେ ଆସ,ନିଜ ତରଫରୁ 

ଆରମ୍ଭ ହେଉ ଏ ଆନ୍ଦୋଳନ

ପରସ୍ପରକୁ ସମ୍ମାନ ସହିତ

କୁସ୍ଚିତ ଚିନ୍ତାଧାରା ମନ ଭିତରକୁ ନ ଆସୁ

ବିଚାର ଓ ଭାବନାରେ ଶୁଦ୍ଧତା ରହୁ।