ଲାଇବ୍ରେରୀ
ପ୍ରୋଫାଇଲ୍
ବିଷାଦ ଯୋଗ
ବିଷାଦ ଯୋଗ
1 min
97
ବରଷା ଆଖିରୁ ବିଚ୍ଛେଦର ଲୁହ
ଝରୁଥିଲା ରହି ରହି
ଆଗକୁ ଆଗକୁ ଯାଉଥିଲା ଟିକେ
ପଛେ ଦେଉଥିଲା ଚାହିଁ I
ଆଖି ଲୁହ ତାର ପୋଛିବା ପାଇଁକି
ମୋର ବା ଶକତି କେତେ
ତା ଦୁଃଖରେ ଦୁଃଖି ହୋଇଗଲି ବୋଲି
ତନ୍ଦ୍ରାହୀନ ରାତି କାଟେ I
ବର୍ଷା ମୋ ପ୍ରେୟସୀ ଅତି ଆପଣାର
କେମିତି ଭୁଲିବି କୁହ
ତା ଆଖି ଲୁହରେ ଶ୍ରାବଣ ଭିଜିଛି
ଭିଜି ଯାଇଛି ମୋ ଦେହ I
ଶରତ ଆସିଛି ହର୍ଷ ଉଲ୍ଲାସରେ
ଖୁସିହୁଏ କେତେ ପ୍ରାଣ
ବରଷା ଫେରୁଛି ଲୁହେ ଭିଜି ଭିଜି
ଭିଜେ ମୋ ପ୍ରେମିକ ପଣ I
