ବିଷାଦ ଭାବ ଛାଡ଼

ଜୀବନ ଟା ଏକ ଅଡୁଆ ସୂତା

ଗୁଡେ଼ଇ ତୁଡେଇ କରେ ବିଷାଦ ଭରା

ବସା ବାନ୍ଧିଛି ତା ମନ ଅଗଣାରେ

ଦୁଃଖ ଯାତନା ମାନସିକ ଚିନ୍ତା ଧାରା

ଟିକିଏ ଖୁସିରେ ହସିଦେଲା ବେଳେ

ଦୁଃଖ ବସିଯାଏ ତା ମୁଣ୍ଡ ଉପରେ

ଅଡୁଆ ସୁତାକୁ ସିଧା କଲାବେଳେ

ବିଫଳତା ତାର ହାତକୁ ଟାଣେ

 ସ୍ପୃହା ହୀନ ହୋଇ ଲେଖନୀ ଛାଡେ

 ବିଫଳତା ଖୁସିରେ ତା ଛାତିକୁ ଭିଡେ

  ନିଜର ମନକୁ ପୁଣି କୋଠର କରେ

  ଅଡୁଆ ସୁତାକୁ ସଳଖି ଧରେ

  ମନ ଭିତରେ ଆଲୁଅ ଢାଳେ

  ତେଜିୟାନ ହୋଇ ପ୍ରଦୀପ ଜାଳେ

  ବିଫଳତାକୁ ସେ ପାଦରେ ଦଳେ

  ସଫଳତା ର ମସାଲ ହାତରେ ଧରେ

   ଦୃଢ଼ତା ମନରେ ଆଗେଇ ଚାଲେ

   କଲମ ମୂନକୁ ସୁଦୃଢ କରେ

   ସମାଜ କୁ ସିଏ ବାର୍ତ୍ତା ଟିଏ ଦିଏ

   ହାର ନାହିଁ ଚାଲ ଆଗକୁ ଟିକିଏ

   ଜୀବନ ଅଛିତ ଦୁଃଖ ତ ପାଇବ

   ତାରି ଭିତରେ ସୁଖକୁ ଖୋଜିବ।