ବିଶ୍ବେ ବିରାଜିବ ଶାନ୍ତି

ବରଷକ ପରେ ଶରତ ଆସିଲା

ମରତେ ଆସିବେ ମାଆ ,

କେତେ ସାଜସଜ୍ଜା ହୋଇଲାଣି ଦେଖ

ମଣ୍ଡପ ଠାଆକୁ ଠାଆ ।

ଦୁର୍ଗତି ନାଶିନୀ-ଦୁର୍ଗତି ନାଶିବେ

ଏ ଧରାରେ ଅବତରି ,

ଯେତେ ପାପ,ତାପ-ବିପଦ, ଆପଦ

ଦେବେ ସବୁ ଦୂରକରି ।

ମଙ୍ଗଳ ଦାୟିନୀ ,ବରଦ ମୁଦ୍ରାରେ

ଢାଳିଦେବେ ଶୁଭାଶିଷ ,

ତାଙ୍କ ସ୍ୱାଗତରେ ଝଲସି ଉଠିବ

ପରା ଏଇ ଦଶ-ଦିଶ ।

ଭକତି ଅନ୍ତରେ ପୂଜିବା ତାହାଙ୍କୁ

ଗାଇ ଆବାହନ ଗୀତି ,

କୃପାମୟୀ ଯେବେ କରୁଣା କରିବେ

ବିଶ୍ବେ ବିରାଜିବ ଶାନ୍ତି ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।