ଲାଇବ୍ରେରୀ
ପ୍ରୋଫାଇଲ୍
ବିଶ୍ବ ମାନବତା ଦିବସର ଅନୁଚିନ୍ତା
ବିଶ୍ବ ମାନବତା ଦିବସର ଅନୁଚିନ୍ତା
କେତେ ମୁଁ ଖୋଜିଲି କେତେ ମୁଁ ଡାକିଲି
କେତେ ମୁଁ ଭାବିଲି ମନେ
ଦେଶେ ଦେଶାନ୍ତରେ କେତେ ମୁଁ ଖୋଜିଲି
ବିଶ୍ବ କୋଣେ ଅନୁକୋଣେ
ସମୁଦ୍ର ତଟରେ ତଟିନୀ କୂଳରେ
କେତେ ଗ୍ରାମ ସହରରେ
ଜନସମୁଦ୍ରରେ ତନ୍ନ ତନ୍ନ କରି
ଖୋଜିଲି ମୁଁ ବିକଳରେ
ସର୍ବତ୍ର ଦେଖିଲି ନର ନାରୀକେତେ
ନାନାବସ୍ତ୍ରେ ସୁଶୋଭିତ
ସର୍ବତ୍ର ଦେଖିଲି ମାନବର ଚିତ୍ର
ମାନବତା ଭୁଲୁଣ୍ଠିତ
ଇତିହାସ ପୃଷ୍ଠା କଲି ଉନ୍ମୋଚନ
ଯାହା ମୁଁ ଦେଖିଲି ଶୁଣ
ଦୁଇହଜାର ତିନି ଅଗଷ୍ଟ ଉଣେଇଶ
ରକତ ରଂଜିତ ଦିନ
ଇରାକ ଦେଶର ବାଗ୍ଦାଦ ସହର
ଜାତି ସଂଘ କାର୍ଯ୍ୟାଳୟ
ସର୍ଜିଓ ଭିଏରା ଡି ମେଲୋ ସମେତ
ମାବବତା କର୍ମୀମୟ
ହଠାତ୍ ସଭିଙ୍କୁ କରି ଆଚମ୍ବିତ
ହେଲା ବୋମା ବରଷଣ
ସର୍ଜିଓ ସମେତ ବାଇଶି କର୍ମୀଙ୍କ
ଜୀବନର ଅବସାନ
ବିଶ୍ବ ଦେଖିଥିଲା ଅମାନବିକତାର
ରୂପ ସେ ବିଭତ୍ସତମ
ମାନବତା କର୍ମୀ ପବିତ୍ର ଶୋଣିତେ
ଭୂମି ହୋଇଲା ରକ୍ତିମ
ଲୋମ ଟାଙ୍କୁରାଇ ଦେଇଥିଲା ସେହି
ଅଗଷ୍ଟ ଉଣେଇଶ ଦୃଶ୍ୟ
ବିଶ୍ବବ୍ୟାପୀ ତାର ନିନ୍ଦା କରାଗଲା
ସର୍ବେ ହେଲେ ଅସନ୍ତୋଷ
ବିଶ୍ବ୍ ବାସୀ ସର୍ବେ ଜାତିସଂଘଦ୍ବାରା
କରିଲେ ନିଷ୍ପତି ଶେଷ
ମାନବତା କର୍ମୀ ଶ୍ରଦ୍ଧାଂଜଳୀ ପାଇଁ
ବିଶ୍ବ ମାନବିକତା ଦିବସ
ବର୍ଷ ପରେ ବର୍ଷ ଅଗଷ୍ଟମାସର
ଉଣେଇଶତମ ଦିବସ
ମାନବତା ଧର୍ମ ପ୍ରସାର ପାଇଁକି
ବିଶ୍ବ ମାନବତା ଦିବସ
ବାତ୍ୟା ବନ୍ୟା ଯୁଦ୍ଧ ଦୈବ ଦୁର୍ବିପାକ
ଅବା ବିଶ୍ବ ମହାମାରୀ
ସବୁସ୍ଥାନେ ଯାଇ ମାନବତା କର୍ମୀ
ପହଂଚେ ନ ଯାଇ ଡରି
ପାଳନ କରଇ ମାନବ ଧରମ
ନ ଭାବି ମିତ୍ର ବଇରୀ
ଜୀବନ ଯୁଦ୍ଧରେ ପ୍ରକୃତ ବୀରସେ
ଚିର ନମସ୍ୟ ସବୁରି
ବିଶ୍ବ ମହାମାରୀ ପ୍ରପୀଡିତ ବିଶ୍ବେ
ମାନବିକତା ଦିବସେ
ସଲାମ କରୁଛି ତୁମ ସାହସକୁ
ଶୁଭ ମନାସୁଛି ମାନସେ
ଅଧ୍ୟବସାୟକୁ ଜାରିରଖ ତୁମେ
କରିଯାଅ ତୁମ କରମ
ଅକ୍ଷୟ ହେଉ ମାନବିକତାର
ବ୍ୟାପୁ ମାନବୀୟ ଧର୍ମ
