ବିଶ୍ୱ କଲ୍ୟାଣୀ

 ରାଜା ଗୋବିନ୍ଦ ଙ୍କ     ଭକତି କୁ ଦେଖି

     ମାଆ ତୁ କରୁଣା କଲୁ

 ଛାଡି କାଞ୍ଚି ରାଜ୍ୟ     ଛାଡି ପୁରୀ ଧାମ

     କେନ୍ଦୁଝରେ ବିରାଜିଲୁ ll1ll

ରାଜ ଉଆସ କୁ       ମନ ମାନିଲାନି

      ଶାଳ ବଣ  ବାଛି ନେଲୁ 

 ବାରବାଙ୍କ ବାଣ   ପାର ହେଲା ପରେ  

     ତୋ ଲୀଳା ପ୍ରକଟ କଲୁ ll2ll

 ବନାନୀ ର ଶୋଭା   ବିମୋହିତ କଲା

     ନୁପୁର ଶବ୍ଦ  ହରିଲୁ

 ଭକତ ରଙ୍କୁଣୀ  ତରୁ ଲଟା ମୂଳେ

     ତୋ ଘଟ ସ୍ଥାପନା କଲୁ ll3ll

 ଘଟ ଗାଁ ନାମ   ହେଲା ସେହି ଦିନୁ 

      ଦେହୁରୀ ଠୁ ପୂଜା ନେଲୁ

 ତୁହି ଜଗଦ୍ଧାତ୍ରୀ  ଜଗତ ଜନନୀ

     ତାରିଣୀ ନାମ ବହିଲୁ ll4ll

 ତୋର ଇଚ୍ଛା ରେ ତୁ   ଲୀଳା ଆରମ୍ଭିଲୁ

     ଦେଉଳ ମୁକୁଳା କଲୁ 

  ଦୁଃଖ ରୋଗ ଶୋକ   ହରିବା ପାଇଁ କି

     ଭକତେ ଅଭୟ ଦେଲୁ ll5ll

 ତୋ ନାମ ସ୍ମରଣେ  ବିପଦ ଟଳଇ       

    ଦରଶନେ ପାପ ନେଲୁ

  ମନ୍ଦାର ଶୋଭିତା    ନଡ଼ିଆ ରାଣୀ ତୁ

    ବିଶ୍ୱ କଲ୍ୟାଣୀ ତୁ ହେଲୁ ll6ll