ବିଶ୍ଵ କବିତା ଦିବସ

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

•

• ନୁହଇଁ ମୁଁ କବି କବିତା ଦିବସେ କି କବିତା ଭେଟି ଦେବି

• ରବିତଳେ କବି ଦ୍ଵୀତୀୟ ଈଶ୍ୱର ଆଙ୍କେ ସୁରୁଚିର ଛବି ।।

•

• କବିତାରେ ଆଙ୍କେ ସସାଗରାଧରା ଆକାଶ ପାତାଳ ରୂପ

• ଋଷି, ମୁନି,ଦେବ,ଗନ୍ଧର୍ବ,ରାକ୍ଷସ,ବନଭୂଇଁ ସରିସୃପ ।।

•

• କ୍ରାନ୍ତି କାରି କବି ସମାଜରେ ଯେତେ ସୁଖ, ଦୁଃଖ ର କଥା

• ମା ହୃଦୟର ଅକୁହା କାହାଣୀ ଅଭାଗିନୀ ଦୁଃଖ ବ୍ୟଥା ।।

•

• ସବୁ ଗୀତ ଚିତ୍ର ଫୁଟାଇ ଦିଅଇ ଅଲେଖା କାଗଜ ବୁକୁ

• ଚିତ୍ରିତ କରେ ଅବିକଳ ଚିତ୍ର କବିତା ରେ ଲେଖୁଲେଖୂ ।।

•

• କେତେ ଦିବଂଗତ ରାଜା, ମହାରାଜା, ସୁରବୀର ରବି ତଳେ

• ଓ୍ଉଜଲ୍ୟ ମୟ ଇତିହାସ ଗାଥା କୀରତି ବି ରଚିଥିଲେ ।।

•

• ଅବିକଳ ତାର ନକଲ କବିତା କଲମ ମୁନରେ ଆଙ୍କି

• ରଖିଦେଇଅଛି ପୁରାଣ ପୋଥିରେ ଏମାଟି ମହାନ କବି ।।

•

• ବିଚ୍ଛେଦ ,ମିଳନ ବିରହ ,ବିରହୀ ,ଅନନ୍ତ ପ୍ରେମର ଚିତ୍ର

• କବି ଲେଖନୀ ରେ ଉକୁଟି ଉଠଇ କେତେ ସମାଧାନ ସୂତ୍ର ।।

•

• କାଳଜୟୀ ଗୀତ ଲୋକକଥା ସବୁ ସମୃଦ୍ଧ ଭାଷା ସାହିତ୍ୟ

• ବର୍ଣ୍ଣିତ କରଇ ଦ୍ଵୀତୀୟ ଈଶ୍ଵର କବି ସେ ମହାନୁଭବ ।।

•

• ଶବଦ କୁସୁମେ ଗୁନ୍ଥିଦିଏ କବି ସୁରମ୍ୟ ଗଜରା ହାର

• ଅଦ୍ଵୀତିୟ ଶିଳ୍ପୀ କୁଶଳୀ ବିନ୍ଧାଣି ଦିଏ ଭବ୍ୟ ଉପହାର ।।

•

• ରାଗ,ରାଗେଣୀ ର ଗଳ୍ପ କାହାଣୀ ର ଶବଦ ସଜାଏ କବି

• ତାର ସ୍ଵର ତୋଳେ ଲଳିତେ ମଧୂରେ ସ୍ଵେତବୀଣା ବାକ୍ୟଦେବୀ ।।

•

• ନିର୍ଜୀବ ରେ ଜୀବଦାନ ଦିଏ,କରେ ମରୁଭୂମି ଉର୍ବରିତ

• କବି ତା ଲେଖନୀ ମୁନରେ ରଚଇ ଜାତୀୟ ଭାଷା ସାହିତ୍ୟ ।।

•

• ପବିତ୍ର ବିଶ୍ଵ କବିତା ଦିବସେ ପ୍ରଫୁଲ୍ଲ ଫୁଲର ମାଳା

• ସମର୍ପିତ କଲି ଘେନ ଗୋ ଜନନୀ ଭାରତୀ ବିରଞ୍ଚି ବାଳା ।।