ବିଶ୍ଵ ବନ୍ଧୁତ୍ୱ ଦିବସ ର ଅନୁଚିନ୍ତ

ଉଣେଇଶ ଅଠାବନ ମସିହାରୁ ବିଶ୍ଵ ବନ୍ଧୁତା ଦିବସ

ପାଳନ ହୁଅଇ ସାରା ବିଶ୍ବରେ ବନ୍ଧୁ ଘେନ ଶୁଭାଶିଷ

ଆଜିର ଏ ଶୁଭ ବାସରେ ଜ୍ୟେଷ୍ଠ ମାନଙ୍କୁ ମୋର ପ୍ରଣାମ

କନିଷ୍ଠ ମାନଙ୍କୁ ଆଶିର୍ବାଦ କରି ନିଜକୁ ମଣଇ ଧନ୍ୟ ।

ମଣିଷ ରୂପରେ ଜନମ ଦେଇଛି ବିଧାତା ଏହି ସଂସାରେ

ମଣିଷ ଜାତିର ସେବା ରେ ଜୀବନ କଟୁଥାଉ ନିରନ୍ତରେ

ପିତା,ମାତା,ଗୁରୁ,ଗୁରୁଜନ, ପଦ ପଙ୍କଜେ ଏ ମତ୍ତି ଥାଉ

ବନ୍ଧୁବାନ୍ଧବ ଙ୍କ ମଙ୍ଗଳ କାମନା କରି ୟେ ଜୀବନ ଯାଉ ।

ଦେବତା,ବ୍ରାହ୍ମଣ,ମୁନି,ଋଷି,ଯୋଗୀ,ସାଧୁ,ସନ୍ଥ ସେବା କରି

ଏ ମଣିଷ ଜନ୍ମ ସାର୍ଥକ ହେଉ ହେ ସତ୍ୟକୁ ପାଥେୟ କରି

ବନ୍ଧୁ ବାନ୍ଧବଙ୍କ ଗହଳି ମୋ ପୁରେ ଲାଗିଥାଉ ନିରନ୍ତର

ବୈକୁଣ୍ଠ ଭୁବନ ସମାନ ସୁନ୍ଦର ଦିଶୁଥାଉ ମୋର ଘର ।

ବିଶ୍ଵ ବନ୍ଧୁତ୍ୱ ଦିବସେ କବି ପ୍ରଣମେ ହେ ବିଶ୍ଵ ନାୟକ 

ସବୁ ବନ୍ଧୁଙ୍କୁ ମୋ ସୁଖ ସୌଭାଗ୍ୟେ ପରିପୂର୍ଣ୍ଣ କରି ରଖ ।