ବିରାଟ ସାମ୍ରାଜ୍ୟର ଭିକ୍ଷୁକ
ବିରାଟ ସାମ୍ରାଜ୍ୟର ଭିକ୍ଷୁକ
ବିରାଟ ସାମ୍ରାଜ୍ୟର
ଭିକ୍ଷୁକ ଅପେକ୍ଷା
ଛୋଟିଆ ଗ୍ରାମର କୃଷକ
ହେବା ପସନ୍ଦ କରନ୍ତୁ ।
ମୁର୍ଖଙ୍କ ଗ୍ରହଣେ
ମିଛ ସମ୍ମାନିତ ହେବା ଅପେକ୍ଷା
ବିଜ୍ଞ ମଣ୍ଡଳୀରେ
ଅପମାନିତ ହେବାକୁ
ପସନ୍ଦ କରନ୍ତୁ ।
ଅନ୍ଧାର ଗୁମ୍ଫାର
ଭେକ ରାଜା ହେବା ଅପେକ୍ଷା
ଖୋଲା ଆକାଶରେ
ସାଧାରଣ ବିହଙ୍ଗଟେ
ହେବାକୁ ପସନ୍ଦ କରନ୍ତୁ ।
ନିର୍ଜନ ଗଳିରେ ଷଣ୍ଢ ହୋଇ
ବିରତ୍ୱ ଦେଖେଇବା ଅପେକ୍ଷା
ଘଞ୍ଚ ଜଙ୍ଗଲରେ
କ୍ଷୁଦ୍ର ଶଶକଟେ ହୋଇ
ବଞ୍ଚିବା ପାଇଁ ସଂଗ୍ରାମ କରିବାକୁ
ପସନ୍ଦ କରନ୍ତୁ ।
ସୁନା ପଞ୍ଜୁରୀରେ ବନ୍ଦୀ ହୋଇ
ମିଛ ପ୍ରସନ୍ନତା ଦେଖେଇବା ଅପେକ୍ଷା
କାଠିକୁଟାରେ ନିର୍ମିତ
ବସାରେ ବସି
ଭାଗ୍ୟର ଦୁର୍ଦ୍ଦଶା କୁ ଜିଇଁବାକୁ
ପସନ୍ଦ କରନ୍ତୁ ।
କାଲଙ୍କ ଗ୍ରହଣେ ଚିତ୍କାର
କରିବା ଅପେକ୍ଷା
ମନ ବୁଝିପାରୁଥିବା
ବନ୍ଧୁଙ୍କ ଗ୍ରହଣେ
ନିରବି ହୋଇ ଯିବାକୁ
ପସନ୍ଦ କରନ୍ତୁ ।
ଅଭ୍ରକଂଷ ପ୍ରାସାଦରେ
ଅସ୍ଥିର ସନ୍ତୋଷ ପାଇବା ଅପେକ୍ଷା
ଚାଳ ଛପରରେ
ଭାଗ୍ୟର ପ୍ରତିଟି ପ୍ରଶ୍ନର
ଉତ୍ତର ଖୋଜିବାକୁ
ପସନ୍ଦ କରନ୍ତୁ ।