ବିନ୍ଦୁ ଓ ବଳୟ

ଏଇ-ମାଟି-

ବରଷା'ରେ ଭିଜିଲେ

ଅଂକୁରି-ଉଠେ ତୃଣ,

କୋମଳାଂଗୀ ନାରୀ,

ରକତ'ରେ ଭିଜି

ସୃଷ୍ଟି-କରେ ଭୃଣ,

ସଂପର୍କ'ର ପରିଧି

ବିଭାଜିତ-ପରମାଣୁ,

    ରଚେ ଧ୍ଵଂସ'ର ତାଂଡବ,

ବିଭାଜିତା-ନାରୀ

ସୃଷ୍ଟି କରେ ସ୍ରଷ୍ଟା'ର

ପ୍ରବହମାନ ସୃଷ୍ଟି-ଧାରା'ର,

ସୂର୍ଯୋଦୟ

ନିମିଳିତ-ଆଖି,

   ଅବୋଧ ଶିଶୁ'ଟି

ପିଇ'ଯାଏ ଢୋକ-ଢୋକ,

ବୁକୁ-ଭରା କ୍ଷୀର

ମାଆ'ର ସ୍ତନ'ରୁ,

ପ୍ରତୀକ୍ଷିତ ସୂର୍ଯୋଦୟ ପାଇଁ

ଏଇ-ନାରୀ-

ଆଦି-ବିଂଦୁ-

ମହା'ମାୟା ନାମେ,

ସୃଷ୍ଟି'କଲେ ମାତା ବସୁଂଧରା,

ଅଂକୁର ଉଦ୍ଗମେ ତହିଁ-

ସୃଷ୍ଟି'ର ଫସଲ

ବଗିଚା'ର କେଉଁ-

ନିଭୃତ-କୋଣରେ,

ଟିକି-ଫୂଲ'ଟିଏ,

ଖେଦି'ଯାଏ ସୂବାସ ମଳୟେ,

ରସ-ପାନେ ଆତୁର ଭଁଅର,

ଚ଼ଉପାଶେ ତା'ର,

ସୃଷ୍ଟି'ର ଏ-

ପ୍ରାରଂଭ ନାଟିକା

ଚ଼ଉପାଶେ ତା'ର-

ସଂପର୍କ-କୁହୁଡି,

ମଝି'ରେ ଜଳୁଛି-

   ପ୍ରଦୀପ'ଟିଏ ନାରୀ

ଅସଂଖ୍ଯ ପିଂଡ'ର-

  ବଳୟ-ଭିତରେ,

ବିଂଦୁ'ଟିଏ...ନାରୀ