ବିଲୁଆ ନନାର ଦିଲ୍ଲୀ ସହର ବୁଲା

ବିଲୁଆ ନନା ବଡ଼ ଚାଲାକି

ଯାଇଥିଲା ଦିନେ ଦିଲ୍ଲୀ

ହଜିଲା ଜ୍ଞାନ ଉଡିଲା ଭେଳା

ଭାବିଲା କାହିଁ ଆସିଲି ।

ଖାଇଲା ପିଜା ପେଟିସ୍‍ ସେଠି

ଖାଇଲା ବରଗର୍

ମନ ନଥିଲା କାହିଁରେ ତାର

ଖୋଜେ ଜାମୁ, ଅଙ୍ଗୁର ।

ଦେଖିଲା ସେତ ଲାଲକିଲ୍ଲା

ଦେଖିଲା କୁତବ୍‍ ମିନାର

ଲଡ଼ୂ ଗଣେଶ, ଗୁରୁଦ୍ୱାର ବଙ୍ଗଳା

ପୁଣି ଲୋଟସ୍‍ ମନ୍ଦିର ।

ଲୁଚି ଲୁଚିକା ଛପି ଛପିକା

ଦିନ କିଛି ଗଲା ବିତି

ହେଲେ ନଖାଇ ନପିଇ ମଥା ଘୁରିଲା

ଦୁର୍ବଳ ହେଲା ଅତି ।

ସୁନ୍ଦର ତା' ବଣ ମୁଲକ

ସବୁଜିମାରେ ଭରା

କି ମନୋହର ଝରଣା କୂଳ

ପାହାଡ଼ ପର୍ବତ ଘେରା ।

କିପରି ଯିବ ବଣ ରାଇଜେ

ଭାଳି ସେ ହେଲେ ବସି

ବଡ଼ ଗହଳ ଦିଲ୍ଲୀ ସହର

ହେଲା ସେ ଅଣନିଃଶ୍ୱାସୀ ।

ଏକା ନିଃଶ୍ୱାସେ ଧାଇଁଲା ଦିନେ

ହୋଇଣ ବଣ ମୁହାଁ

ଛାଡ଼ିଲା ନିଶା ସହର ବୁଲା

ଦିଲ୍ଲୀ ସହର ମୋହ।