ବିଜୟା ଦଶମୀ

ଆସ ମା ତୁମେ ଧରା କୁ ଅବତରି

ତୁମରି ସ୍ୱାଗତ କରିବି ମନ ଭରି

ଅଜ୍ଞାନ ଅନ୍ଧକାର ମୋର ତୁମେ ହରି ନେବ

ଜ୍ଞାନ ଆଲୋକରେ ଆଲୋକିତ କରିବ

ମା ତୁମ କରୁଣା ପାଇଲେ ମୁହିଁ

ବିପତ୍ତି ସବୁ ଯିବ ଦୁରେଇ

ତୁମ ବିନା କେହି ନାହିଁ ସାହା ମୋର

ମା ତୁମ ପାଖେ ଆସ୍ରା ମୋହର

ତୁମେ ମୋର ଗତି ମୁକ୍ତି 

ତୁମେ ହିଁ ମୋର ଶକ୍ତି

ତୁମ ବିନା ମା ମୋର ଅନ୍ୟ ଗତି ନାହିଁ

ବିପଦ ନାଶିନୀ ମା ତୁମେ ଜଗତ ଜନନୀ

ତୁମ କୃପା ବଳେ ରାମ ରାବଣ କୁ କଲେ ନିଧନ

ବିଜୟା ଦଶମୀ ହୋଇଲା ଏହି ଦିନ

ତୁମ ପାଇଁ ମହିଷାସୁର ବିନାଶ ହୋଇଲା

ତୁମ ପାଇଁ ମହି ରେ ଶାନ୍ତି ଫେରିଲା

ତୁମ ପୂଜା ଆଜି ସର୍ବତ୍ର ହେଉ ଅଛି

ତୁମ ପାଇଁ ସଭିଙ୍କ ମନ ନାଚି ଯାଉଛି

ଜୟ ଜୟ ମଙ୍ଗଳା ଜୟ ମା ବିମଳା

ଜୟ ମା ଗୋ ସାରଳା ଜୟ ହେ କମଳା

ତୁମ ପାଇଁ ଜଗତ ଶକ୍ତି ପାଉଛି

ତୁମ ଆରଧନା ରେ ଶାନ୍ତି ମିଳୁଛି ।