ବିଜୁବାବୁ

ଆମ ବିଜୁବାବୁ  ବଡ଼ ଦୁଃସାହସୀ

   କଳିଙ୍ଗ ସନ୍ତାନ ଭୂମିପୁତ୍ର

ଅବ୍ୟାହତ ତାଙ୍କ ନିଷ୍ଠା ସୁପ୍ରଚେଷ୍ଟା

   ବୀରତ୍ୱର ନାହିଁ ପଟାନ୍ତର ।

   ବିଜୁବାବୁ ଆମ ଗର୍ବ

ଦେଶ ଓ ବିଦେଶେ  ଖ୍ୟାତ ପରିଚିତ

   ଦକ୍ଷ ନେତା ଲୋକପ୍ରିୟ ।

ଗୋଟିଏ ପଦରେ  ପ୍ରିୟ ବିଜୁବାବୁ 

    ବୀର ସମ ହନୁମାନ 

ସାତ ସମୁଦ୍ରକୁ   କରିଲେ ଲଙ୍ଘନ

    ଉଦ୍ଧରିଥିଲେ ସୁକର୍ଣ୍ଣ

    ଧନ୍ୟ ହେ ବିଜୟାନନ୍ଦ

ଉତ୍କଳର ତୁମେ  ସୁଯୋଗ୍ୟ ସନ୍ତାନ 

    କୀର୍ତ୍ତି ତୁମ ଅମଳିନ ।

ଓଡ଼ିଶା ଆକାଶେ ଉଜ୍ଜ୍ବଳ ତାରକା

   ତୁମେ ଶୁଭ୍ର ଧ୍ରୁବତାରା

ଚିର ସ୍ମରଣୀୟ ସୁପୁରୁଷ ତୁଙ୍ଗ

   ବିକାଶର ତୁମ ଧାରା

   ଝଡ଼ର ଇଗଲ ନାମେ

ଶିଳ୍ପ କାରଖାନା ବନ୍ଦର ପ୍ରତିଷ୍ଠା

  ବିଜୁ ବିଶ୍ୱକର୍ମା ତୁମେ ।