ଲାଇବ୍ରେରୀ
ପ୍ରୋଫାଇଲ୍
ବିଜ୍ଞାନ ତୂଳୀରେ ଜୀବନ ଚିତ୍ର
ବିଜ୍ଞାନ ତୂଳୀରେ ଜୀବନ ଚିତ୍ର
ବିଜ୍ଞାନ ତୂଳୀ ରେ ଜୀବନ ଚିତ୍ର
ବିସ୍ମୟ କର ସେ ଲାଗେ ବିଚିତ୍ର ।
ବିପୁଳ ସୁଷମା ଲହରୀ ତୋଳି
ବର୍ଣ୍ଣ ର ଦିହୁଡ଼ି ଦିଅଇ ଜାଳି ।
ବିଲୋକନେ ଅଫୁରନ୍ତ ଆବେଗ
ବିଚାର ଧାରଣା ଚିନ୍ତା ଉଦ୍ବେଗ ।
ବହୁ ଆଚମ୍ବିତ କଥା ବାହାର
ବିଜ୍ଞାନ କରଇ ଥର କୁ ଥର ।
ବହୁ ସମସ୍ୟା ର ସେ ସମାଧାନ
ବାହାର କରଇ ଦିନ କୁ ଦିନ ।
ବଢି ବଢି ଚାଲେ ନିତି ସମସ୍ୟା
ବହୁଳ ଭାବରେ ପାଏ ମାନ୍ୟତା ।
ବିଜ୍ଞାନ ର ଦାନ ଓ ଉଦ୍ଭାବନ
ବହୁ ଆବିଷ୍କାର ଓ ସମାଧାନ ।
ବଢିବା ସହିତ କ୍ରମେ ସମସ୍ୟା
ବଢ଼େ ପ୍ରଦୂଷଣ କରେ ହୀନସ୍ତା ।
ବିନା କାରଣରେ ନିରୀହ ଜନ
ବିଜ୍ଞାନ ବିକାଶ ର ନିୟନ୍ତ୍ରଣ ।
ବିନା ଭୋଗୁ ଛନ୍ତି ଚିର କଷଣ
ବିଭିନ୍ନ ପ୍ରକାର ରୋଗ କାରଣ ।
ବିକ୍ଷତ କରଇ ସେ ସନ୍ତୁଳନ
ବ୍ୟବସ୍ଥା ବିହୀନ ହେତୁ ବିପନ୍ନ ।
ବିଜ୍ଞାନ ତୂଳୀରେ ଜୀବନ ଯାତ୍ରା
ବ୍ୟାହତ ହୁଅଇ ସର୍ବେ ହିନସ୍ତା ।
ବିଜ୍ଞାନ ତୂଳୀରେ ଜୀବନ ଚିତ୍ର
ବର୍ଣ୍ଣାଢ଼୍ୟ ବରଣ ଚାରୁ ବିଚିତ୍ର ।
ବିରୋଧାଭାସ ସେ ସୃଜେ ଜୀବନେ
ବଞ୍ଚାଇବା ସାଥେ ମାରେ ବିପନେ ।
ବଡ ମାରାତ୍ମକ କ୍ଷତି କାରକ
ବଢ଼ାଏ ସମସ୍ୟା ନିତି ଅନେକ ।
ବୋମା ପରୀକ୍ଷଣ ଅଣୁ ଅସ୍ତ୍ରର
ବିନିର୍ମ।ଣ କରି ଧ୍ୱଂସେ ଆଗାର ।
ବିଧ୍ୱସ୍ତ କରେ ସେ ସବୁ ଅଚିରେ
ବିଷ ମୟ ହୁଏ ଜୀବନ ଧୀରେ ।
ବସ୍ତୁବାଦ ର ଏ କରାଳ ତ।ରେ
ବିଧ୍ଵଂସ ସାଧନ ବିଜ୍ଞାନ କରେ ।
ବିଜ୍ଞାନ ତୂଳୀ ରେ ଜୀବନ ଚିତ୍ର
ବଡ ଭୟଙ୍କର ଅତି ବିଚିତ୍ର ।
