ବୀର ଯବାନ

ବୀର ଯବାନ ଖେଦ ଦରଜ ଜିଣି

ବିଦୁର ଗତାଳସ ତିମିର କିଣି ।

ମାତୃଭକ୍ତି ପୀୟୁଷ ପାନ ସେ କରି

ଅଶନେ ବସନେ ରୁଚି ସେ ନ ଭରି ।

ଭୂ- ମା ର ଅବିରଳ ସୁଦଶା ପୁତ୍ର

ନିବିଡ କ୍ଲେଶଯୁକ୍ତ ଜୀବନ ସୂତ୍ର ।

ବିଳାସ ନିକେତନ ସମ୍ପର୍କ ତ୍ୟାଗୀ

ଦେଶ ପାଇଁ ପ୍ରାଣ ସମର୍ପିତ ରଖି ।

ଘୋର ଅମ୍ବୁଦ ସଙ୍ଗେ ରଶ୍ମି ପ୍ରଖର

ଶୀତ ଶିଶିର କୁ ଯେ ନାହିଁ କାତର ।

ଦ୍ଵନ୍ଦ ସମୟେ ବକ୍ଷ ପତାଇ ଆଗେ

ଶତୃକୁ ନିପାତ ଯେ କରେ ସର୍ବାଗ୍ରେ ।

ନଦୀ ନାଳ ମରୁ ଯେ ବନେ ପର୍ବତେ 

ସୀମା ରେ ଥାଆନ୍ତି ଯେ ହୋଇ ଜାଗ୍ରତେ ।

ଉତ୍ସର୍ଗ ପ୍ରାଣେ ଯେ ନାହିଁ ଲାଳସା

କୁଶଳେ ଥାଉ ଦେଶ ଏହି ମୋ ଆଶା ।

ତ୍ରିରଙ୍ଗା ଟେକ ପାଇଁ ସଦା ତତ୍ପର

ନିର୍ଭୟ ଦେଶ ପ୍ରେମୀ ନାହିଁ କାତର ।

ଜାତି ଧର୍ମ ସର୍ବେ ଐକ୍ୟ ଭାବ ସୂତ୍ର

ବର୍ଣ୍ଣନିର୍ବିଶେଷେ ସନ୍ତାନ ମାତାର ।