ବୀର ସୁପୁତ୍ର
ବୀର ସୁପୁତ୍ର
ବୀର ସୁପୁତ୍ର ହୁଅ ଜାଗ୍ରତ
କ୍ରନ୍ଦନ କରେ ମାତ
ଚିର ପୂଜିତ ତୁମ୍ଭ ବୀରତ୍ବ
ହେବନି କେବେ ଲୁପ୍ତ ।
କ୍ରୁର ବିଧାତା ଦେଇଛି ବ୍ୟଥା
ଦୁଃଖରେ ଜର୍ଜରିତ
ଭାରତ ମାତା ନୁଆଇଁ ମଥା
ନୟନ ଅଶ୍ରୁସିକ୍ତ ।
ସୁରକ୍ଷା ପାଇଁ ସଜାଗ ହୋଇ
ସୀମାରେ ଦିବାରାତ୍ର
ଦୁଃଖକୁ ସହି ରହିଛ ଚାହିଁ
ମନରୁ ଭୁଲି ଭୀତ ।
ଶତ୍ରୁର ଛଳ ସାଜିଲା କାଳ
ଛାତିକୁ କରି ଶକ୍ତ
କରିଲ ଠୁଳ ମନରେ ବଳ
ଘଟିଲା ରକ୍ତପାତ ।
ବିଜୟ ତୂରୀ ଗର୍ଜନ କରି
କମ୍ପିତ ଯୁଦ୍ଧକ୍ଷେତ୍ର
ଜୀବନ ହାରି ଶତ୍ରୁକୁ ମାରି
ଗୁଳିରେ ମୃତାହତ ।
ତୁମ୍ଭର ପ୍ରାଣ କରିଲ ଦାନ
ବଇରୀ ପରାଜିତ
ଚିର ଅମ୍ଳାନ ତୁମ୍ଭ ସମ୍ମାନ
କରୁଛୁ ପ୍ରଣିପାତ ।