ବୀର ସୈନିକ

ଦେଶ ମାତୃକାର ସୁଯୋଗ୍ୟ ସନ୍ତାନ

ଦେଶସେବା ଭାବ ହୃଦୟେ ଭରି

ମାଆର ସୁରକ୍ଷା ପାଇଁ ଆଗଭର

ସର୍ବଦା ଜାଗ୍ରତ ସାଜି ପ୍ରହରୀ

ଶତ୍ରୁର ଆତଙ୍କ କରି ପରାହତ

ଶାନ୍ତିର ପ୍ରତିଷ୍ଠା କରିବା ପାଇଁ

ଧୈର୍ଯ୍ୟ ସାହାସକୁ ଆପଣାଇଥିଲ

ଭୟଭ୍ରାନ୍ତି ମନୁ ଦୁରେଇଦେଇ

ଅଦିନ ପ୍ରଳୟ ଭିଆଇଲା କାଣ୍ଡ

କାଳ କି ସାଜିଲା ଅତି ନିଷ୍ଠୁର

ଶୂନ୍ୟ କରିଦେଲା ମାଆର କୋଳକୁ

ପୋଛିନେଲା କାହା ମଥା ସିନ୍ଦୂର

ରକ୍ତରେ ଭିଜାଇ ଧରିତ୍ରୀ ବକ୍ଷକୁ

କାହିଁ ଚାଲିଗଲ ବୀର ସୈନିକ

ତୁମରି ସ୍ମୃତିରେ ବ୍ୟଥିତ ସରବେ

ଭରିଯାଇଅଛି ନେତ୍ରେ ଲୋତକ

ଆକୁଳେ ଭାରତୀ ପଣତ ଘୋଡାଇ

ପବିତ୍ର ଆତ୍ମାର ମୁକତି ପାଇଁ

ତୁମ ବଳିଦାନ  ଗାଥାକୁ ସୁମରି

କୋଟି ପ୍ରଣିପାତ କରୁଛି ମୁହିଁ