ବୀର ଭଗତ ସିଂହ

ହେ ବୀର ଯବାନ କରୁଛି ପ୍ରଣାମ

ହସ୍ତେ ପୁଷ୍ପାଞ୍ଜଳି ଧରି

ତୁମକୁ ହରାଇ  ଗୁମୁରେ ଏ ପ୍ରାଣ

ଭାରତରେ ଆସ ଫେରି ।

ଭାରତ ମାତାଙ୍କ ସୁପୁତ୍ର ତୁମେ ଯେ

ତୁମ ପରି କେହି ନାହିଁ

ଫିରିଙ୍ଗି ହାତରୁ ଦେଶ ରକ୍ଷା ପାଇଁ

କେତେ କଷ୍ଟ ଥିଲ ସହି ।

ଅନ୍ଧାର ରାତିର  ଛାତି ଚିରି ଦେଇ

ବଣ ପରବତେ ଲୁଚି

ଲଢିବା ପାଇଁକି   ସଂଗଠନ କରି

ରଣ ଦେଇ ଥିଲ ବିଞ୍ଚି ।

ଗୋରା ସାହେବଙ୍କ ନିଦ ହଜାଇଲ

ବଜାଇ ବୀର ଦୁନ୍ଦୁଭି

ତୁମ ପାଇଁ ଆଜି  ଗର୍ବିତ ଏ ଦେଶ

ନୟନେ ସାଜିଛି ଛବି ।

ଲୋକଲୋଚନର  ଅନ୍ତରାଳେ ରହି

ଚଳାଇ ବୀର ମନ୍ତ୍ରଣା

ପଂଜାବରେ ଜନ୍ମି ସାରା ଭାରତରେ

ବଜାଇ ଥିଲ ବାଜଣା ।

ନିଷ୍ଠୁର ନିର୍ଦ୍ଦୟ    ଫିରିଙ୍ଗି ଶାସକ

କ୍ରୁରତାରେ ଯିଏ ନୀଚ

ସେ କାହୁଁ ଦେଖିବ କିଏ ହୀରା ପରି

କିବା କିଏ ତୁଛ କାଚ ।

ଫାଶୀ ଦଣ୍ଡ ଦେଇ ଦର୍ଶାଇଲେ ସେ ଯେ

ଆମ୍ଭେ ଯେ ଦାନବ ଗୋଷ୍ଠୀ

ମଥା ଉଚ୍ଚା କରି  ଚେତାଇଣ ଦେଲ

ଚଳାଇ ଦକ୍ଷତା ଗୋଟି ।

ପ୍ରତି ଜନ ଗଣ    ମନେ ଜାଗରଣ

ବାହୁଡାଇ ଦେଲ ସୁଖ

ତୁମ୍ଭେ ଯେ ଚନ୍ଦ୍ରମା ଭାରତ ଆକାଶେ

ଦେଖୁ ଥିବୁ ତୁମ୍ଭ ମୁଖ ।