ଲାଇବ୍ରେରୀ
ପ୍ରୋଫାଇଲ୍
ବିଘ୍ନ ବିନାଶକ
ବିଘ୍ନ ବିନାଶକ
1 min
325
ବିଘ୍ନ ବିନାଶକ ପ୍ରଭୁ ଗଜାନନ
ତୁମକୁ କୋଟି ପ୍ରଣାମ
ଆଶୀର୍ବାଦ କର ନିର୍ବିଘ୍ନରେ ହେଉ
ସଂସାର ସକାଳ କାମ ।
ବିବାହ ହେଉବା ବ୍ରତଘର ହେଉ
ଯଜ୍ଞ କର୍ମକାଣ୍ଡ ହେଉ
ସବୁ ଶୁଭ କର୍ମେ ତୁମକୁ ସୁମରି
ଶୁଭକାର୍ଯ୍ୟ କରିଥାଉ ।
ଭାଦ୍ରବ ମାସରେ ଶୁକ୍ଳପକ୍ଷରେ ହିଁ
ଚତୁର୍ଥୀ ତିଥିରେ ପ୍ରଭୁ
ତୁମେ ପ୍ରତିବର୍ଷ ଆବିର୍ଭାବ ହୁଅ
ଦେଖାଦିଅ ଭକତଙ୍କୁ ।
ତୁମକୁ ପୂଜିଲେ ବିଦ୍ୟା ବଢ଼ିଥାଏ
ବଢ଼ିଥାଏ ଯଶ କୀର୍ତ୍ତୀ
ତୁମକୁ ପୂଜନ୍ତି ପ୍ରଭୁ ପ୍ରତି ସ୍ଥାନେ
ରଖି ପ୍ରଭୁ ତୁମ ମୂର୍ତ୍ତୀ ।
ଗଣେଶଙ୍କ ପୂଜା ପଡ଼ିଲେ ପିଲାଏ
ହୋଇଥା'ନ୍ତି ଭାରି ଖୁସି
ବିଦ୍ୟାଳୟ ହତା ଗୃହକୁ ସଜେଇ
ପୂଜିଥା'ନ୍ତି ମିଳିମିଶି ।
ଲମ୍ବୋଦର ତୁମେ ଗଜାନନ ତୁମେ
ବକ୍ରତୁଣ୍ତ ତୁମେ ପୁଣି
ବହୁ କଥା ଶୁଣ କମ୍ କଥା କୁହ
ତେଣୁ ପ୍ରଭୁ ତୁମେ ଗୁଣୀ ।
ଗଣେଶ ପୂଜାରେ ପ୍ରଭୁ ତୁମ ପାଖେ
ଖାତା ଓ ବହି ରଖନ୍ତି
ପୁଷ୍ପାଞ୍ଜଳି ଦେଇ ମୁଣ୍ଡିଆ ମାରନ୍ତି
ପ୍ରସାଦ ଖାଇ ଫେରନ୍ତି ।
ମଦକୁ ପିଇବା ଡିଜେ ବଜାଇବା
ଛାଡ଼ ଏ କୁପରମ୍ପରା
ଗଣେଶ ପୂଜାକୁ ପାଳିବା ଭକ୍ତିରେ
କୋଣ ଅନୁକୋଣେ ପରା ।
