ବିଦ୍ୟାର୍ଥୀ
ବିଦ୍ୟାର୍ଥୀ
ବିଦ୍ୟା ଦିଏ କର୍ମ ବିଦ୍ୟା ଦିଏ ଧର୍ମ
ବିଦ୍ୟା ଦିଏ ଜ୍ୟୋତି ପୂଜା l
ବିଦ୍ୟା ଅରଜନେ ଦକ୍ଷତା ବଢାଅ
ଉଡ଼ି ଥାଉ ବଡ଼ ଧ୍ବଜା l
ବିଦ୍ୟା ଆମ ଭାଇ ଜଗତର ମିତ
ଜିଣିଥାଉ ଭୂମଣ୍ଡଳ l
ବିଦ୍ୟାରୁ ବିକାଶ ଧନର ପ୍ରକାଶ
ବିଦ୍ୟା ଅଟଇ ସମ୍ବଳ l
ଘେନ ହେ ବିଦ୍ୟାର୍ଥୀ ବିଦ୍ୟାର ମହତ୍ୱ
ଜାଗ୍ରତ କର ଜଗତ l
ବିଦ୍ୟାର୍ଥୀ ମାନଙ୍କ ପୁଣ୍ୟ ପ୍ରଭା ହିତ
ବିଦ୍ୟାରେ ହେଉ ପୂରିତ l
ବିଦ୍ୟାର ବିକାଶ ହିତ ମଧ୍ୟେ ଯଶ
ହୁଏ ଜଗତରେ ବଢ଼ି l
ବିଦ୍ୟା ଅଧ୍ୟୟନ କର ହେ ବାଳକ
ବିଦ୍ୟାକୁ କେବେ ନ ଛାଡି l
ଯାହା ଠାରେ ଉଭା ମାଆ ସରସ୍ବତୀ
ତା ଠାରେ ବିଦ୍ୟା ବିକାଶ l
ମାଆ ବୀଣାପାଣି ଦେଇ ଥାନ୍ତି ନିତି
ବିଦ୍ୟାର ପୁଣ୍ୟ ପ୍ରକାଶ l