ବିଦ୍ଯାର୍ଥୀ
ବିଦ୍ଯାର୍ଥୀ
ବିଦ୍ୟା ଅର୍ଜନ ର ଅଭିପ୍ରାୟ ନେଇ ଯିଏ
ସାଜେ ନକ୍ଷତ୍ର , ମୁଖରିତ ଶିକ୍ଷା ଆକାଶର ,
ଅଣ୍ଟା ଭିଡେ ଭାଙ୍ଗି ଦେବା ପାଇଁ ତମସାକୁ,
ଜ୍ଞାନ ଦୀପ ସାଥେ, ସେ ଅପାରଗ ସମାଜର ,
ମୁକ୍ତଛନ୍ଦ ତୋଳି ଚେତନାର ଚୈ।ହଦୀରେ
ଯିଏ ଦେଖିପାରେ ଆଖିତଳ ଅମା ଅନ୍ଧାର,
କେବଳ ନିଜ ଜୀବନର ପଥେ ହିଁ ନୁହେଁ
ଜଗତରେ ଜ୍ଞାନବଳେ ଆଣିପାରେ ସଂସ୍କାର ,
ବିଦ୍ୟାର୍ଥୀ ପରିଚାୟକ ଅଖଣ୍ଡ ନିଷ୍ଠାର
ଦେଶ ଉନ୍ନତି କଳ୍ପେ କଡା ଅନୁଶାସନର,
ସେ ତ ସୃଜନର ମେଘବର୍ଣ୍ଣି ଶ୍ଯାମଳୀମା
ସ୍ବୟଂ ହିଁ ସୂତ୍ରଧର ସାମାଜିକ ବିପ୍ଳବର ,
ଏକା କିଛି କରିବାର ସମ୍ଭାବନା ଖୋଜି
ଅନ୍ଧାରରେ ଜଳୁଥାଏ ବହ୍ନି ଶିଖାଟେ ହୋଇ
ଆଖି ଖୋଲି ଦେଖେ ଦୁନିଆକୁ ଯେବେ ଯେବେ
କର୍ମ ପ୍ରବଣତା ଜାଗେ ସ୍ବପ୍ନ ସବୁକୁ ନେଇ ,
ଶୃଙ୍ଖଳା ର ଅକ୍ଷୂର୍ଣ୍ଣ ସୀମାରେଖା ଡେଇଁ ସେ
ବେଳେ ସାମିଲ ହୁଏ ପରିବର୍ତ୍ତନ ସ୍ରୋତରେ
ଯେବେ ଆକାଂକ୍ଷିତ ପୃଥିବୀ ରଙ୍ଗ ବଦଳେ
ହାତଟେକି ଦେଇ ଆଉ କାହାର ଇଙ୍ଗିତରେ ।