ବିଚ୍ଛିନ୍ନାଞ୍ଚଳ ମୋ ଭୂମି

ଉତ୍କଳ ଜଡ଼ିତ ଖଣ୍ଡିତ ହୋଇଛି

ବିଚ୍ଛିନ୍ନାଞ୍ଚଳ ଏ ଭୂମି,

କବିତା ଲେଖୁଛି ବିଚ୍ଛିନ୍ନାଞ୍ଚଳରୁ

ଭାଷାଶୂନ୍ୟ ଏହି ଭୂମି।

ଲେଖୁଛି କବିତା ମାତୄଭାଷାରେ ମୁଁ

ଭାଷାର କିରଣ ପାଇଁ,

ଭାଷାର ଆଲୋକ ଭାଷାର ଗୌରବ

ମିଳୁ ଥାଉ ଆମ୍ଭ ପାଇଁ।

ଝାଡ଼ଖଣ୍ଡ ରାଜ୍ୟେ ଜଡ଼ିତ ହୋଇଛି

ଆମ୍ଭ ଏ ବିଚ୍ଛିନ୍ନା ଭୂମି,

ଭାଷାଶୂନ୍ୟ ଆମ୍ଭ ବିଚ୍ଛିନ୍ନା ଭୂମିରୁ

କବିତା ଲେଖୁଛି ମୁହିଁ।

ରଚନାରେ ମୋର ଅଳଙ୍କାର ନାହିଁ

ପୂର୍ଣ୍ଣ ସଫଳତା ନାହିଁ,

ତଥାପି ଲେଖିଛି ଓଡ଼ିଆ କବିତା

କର୍ମକୁ ଆଦରି ମୁହିଁ।

ଜ୍ଞାନୀଜନ ମୋର ଦୋଷ ନ ଧରିବ

ଜ୍ଞାନ ମୋର କିଛି ନାହିଁ,

ସରଳ ଭାଷାରେ କବିତା ଲେଖୁଛି

ଆଦର ହେବ କି ନାହିଁ।

ଉତ୍କଳ ଜଡ଼ିତ ଖଣ୍ଡିତ ହୋଇଛି

ବିଚ୍ଛିନ୍ନାଞ୍ଚଳ ଏ ଭୂମି,

କବିତା ଲେଖୁଛି ବିଚ୍ଛିନ୍ନାଞ୍ଚଳରୁ

ଭାଷାଶୂନ୍ୟ ଏହି ଭୂମି।