ବିଚ୍ଛେଦ (୧୬)#ନିର୍ଜନ ଚଲାପଥ#

ପୃଥିବୀର ଚଉଡ଼ା ଛାତି ଉପରେ ଏବେ ବି କଟୁଛି ରାତି

ନିର୍ଜନ ମୋ ଚଲାପଥେ ଆସି ଫେରିଲେଣି କେତେ ସାଥୀ

ସାନ୍ନିଧ୍ୟତା କିନ୍ତୁ ମାପି ପାରିଲିନି କେବେ ଦିନେ

ସଂପର୍କ ସବୁ ରେଖା ଅଙ୍କାବଙ୍କା ରହିଗଲା ମୋ ମନେ,

ଆଗକୁ ଚାହିଁଲେ ଆଖି ପାଏନା

ପଛକୁ ଫେରିବି ଫେରି ହୁଏନା

ଏବେବି ଅନୁଭବୁଛି ଶୂନ୍ୟତାରେ ଅସହ୍ୟ ବେଦନା,

କାହିଁକି କେଜାଣି ଏମିତି ହୁଏ ପାଣିପାଗ

ଯୁଝିବାକୁ ବେହିସାବୀ ଜୀବନର ଯାବତୀୟ ଦୁର୍ଯ୍ୟୋଗ

ହଁ ହୁଏତ ଏସବୁ ନିୟତିର ନିର୍ଣ୍ଣିତ ଭାବନା ,

ଯେଉଁଠି ଲୁହ ସବୁ ଝରିପଡେ କାକର ଟୋପା ହୋଇ

ନିର୍ଜନ ପଥ ଚାହିଁ ଥାଏ ଅଭିସାର ପାଇଁ ,

ଏମିତି ବି ଓଠ ଧାରେ ହସ ମୋ ପାଇଁ ସାତ ସ୍ୱପ୍ନ

ଆଉ ସେଇ ସ୍ୱପ୍ନର ଉଆସେ ଶ୍ୱାସରୁଦ୍ଧ ଏ ଜୀବନ ।