Library
Profile
ବିବସ ବିଶ୍ୱାସ
ବିବସ ବିଶ୍ୱାସ
1 min
227
ବିଶ୍ୱାସ କଥାଟି ହଜି ହଜି ଯାଏ
ଅଣ୍ଟିଛୁରୀ କାଟେ ତଣ୍ଟି
ଅମୃତ ଦେଖାଇ ବିଷକୁ ମଣିଷ
ଚତୁର୍ଦ୍ଦିଗେ ଦିଏ ବାଣ୍ଟି I
ବିଶ୍ୱାସୀର ମୁଖା ପିନ୍ଧି ଏ ମଣିଷ
ବିଶ୍ୱାସରେ ଦିଏ ଧୋକା
ମିଛ ବିଶ୍ୱାସର କଥା କହି କହି
ସଭିଙ୍କୁ ବନାଏ ବୋକା I
ଛଳନାର ମୁଖା ଲଗାଇ ମଣିଷ
ବିଶ୍ୱାସର କଥା କୁହେ
ନିଜ ସ୍ୱାର୍ଥ ପାଇଁ ନିର୍ବିକାର ଚିତ୍ତେ
ବିଶ୍ୱାସକୁ ଭାଙ୍ଗିଦିଏ I
କଳୁଷିତ ଆଜି ମଣିଷର ମନ
ବିଶ୍ୱାସ ହରାଏ ସତ୍ତା
ଅବିଶ୍ୱାସେ ଭରା ଦୁନିଆ ଦେଖୁଛି
ବିଶ୍ୱାସର ବିବସତା I
