ବିବାହ
ବିବାହ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଦୁଇଟି ହୃଦୟ ହୁଏ ଯେ ନିଜର
ସାକ୍ଷୀ ରଖି ଦଶ ଦିଗ
ଜୀବନ ଯାତ୍ରାର ଯେତେ ସୁଖ ଦୁଃଖ
ଦୁହେଁ ବାଣ୍ଟିବାକୁ ଭାଗ ।
ଆପଣାକୁ ପର, ପର କୁ ନିଜର
କରିନିଏ ସହି କଷ୍ଟ
ଜୀବନ ଯନ୍ତ୍ରଣା ମନର ବେଦନା
କାଳକ୍ରମେ ହୁଏ ନଷ୍ଟ ।
ପତି ପତ୍ନୀ ହୋଇ ଦାମ୍ପତ୍ୟ ଜୀବନ
କରନ୍ତି ଅତିବାହିତ
ନବ ସୂର୍ଯୋଦୟେ ନବ କଳିକାର
ହୁଏ ପୃଥୀପୃଷ୍ଠେ ଜାତ ।
ଗଢନ୍ତି ଦୁନିଆ ନିଜ କର୍ମ କରି
ଉତ୍ସର୍ଗୀ ନିଜର ପ୍ରାଣ
ସନ୍ତାନଙ୍କ ପାଇଁ ଝରାଇ ସେ ଲହୁ
ସଞ୍ଚୟ କରନ୍ତି ଧନ ।
ପବିତ୍ର ବନ୍ଧନ ବିବାହ ଜୀବନ
ସ୍ବର୍ଗୀୟ ଯେ ପରିବେଶ
ଠିକ ବୁଝାମଣା ହୁଏ ନାହିଁ ଉଣା
ଝରୁଥାଏ ଖୁସି ହସ ।
ବୁଝାମୁଣା ଯେବେ ହୁଏ ପଥଭ୍ରଷ୍ଟ
ଜୀବନ ଯେ ନର୍କ ପରି
ସୁଖ ବଦଳରେ ଦୁଃଖର ସମ୍ଭାର
ହୃଦୟ ନିଏ ଆବୋରି ।।