ବିବାହ ବିଚ୍ଛେଦ (ଡିଭୋର୍ସ)

ସମାଜ ଭିତରେ ପୁରୁଷ ଓ ମହିଳା ଦୁଇ 

ଜଣଙ୍କର ମିଳନ ସମ୍ଭୋଗ ପାଇଁ

ବିବାହ ବନ୍ଧନରେ ବାନ୍ଧି ହୁଅନ୍ତି ଏକ ସୁସ୍ଥ 

ପରିବାରର ସୃଷ୍ଟି ଲକ୍ଷ୍ୟ ନେଇ ।

ପ୍ରୀତିର ମିଳନ ଆଣିଥାଏ ବର୍ଷାଭିଜା ଶ୍ରାବଣର 

ଭାଷା ବୈଶାଖୀ ଦହନ ତାତିକୁ , 

ସେ ଶୀତଳତା, ପ୍ରକୃତିର ଭବ୍ୟ ଅବଦାନ ଅମୃତ 

ସମ, ମଧୁମୟ କରି ଥାଏ ଜୀବନକୁ ।

ପତି ପତ୍ନୀ ଚଳିଲେ ଏକ ହୋଇ ଗୋଟିଏ 

ମୂଦ୍ରାର ଦୁଇ ପାର୍ଶ୍ଵ ସଦୃଶ

ଭିନ୍ନ ମାତ୍ର ଥାଏ କାୟା, ଜୀବନ ପ୍ରାଣକୁ ଏକ 

କରି ସ୍ନିଗ୍ଧ କରି ପାଇଥାନ୍ତି ସୁଯଶ ।

ବେଳେ ବେଳେ ମଣିଷ ମଣିଷ ଭିତରେ ଏ 

ପବିତ୍ର ସମ୍ପର୍କ ଭାଙ୍ଗି ଯାଏ

ଭଙ୍ଗା କାଚ ପରି ଖଣ୍ଡ ଖଣ୍ଡ ହୋଇ ଟୁକୁରା 

ଟୁକୁରା ହୋଇ ଯାଏ  ।

ସବୁ ଟୁକୁରାକୁ ଯୋଡି ହୋଇପାରେ, କିନ୍ତୁ 

ତିକ୍ତ ସମ୍ପର୍କକୁ ତ ହୁଏନି

ସଦା ସର୍ବଦା ଦୁଇ ବ୍ୟକ୍ତିଙ୍କ ଭାଙ୍ଗିଥିବା ଅନ୍ତର 

ଆଉ ତ ଯୋଡି ହୁଏନି ।

ଭଲ ପାଇ ହେଉ ଅବା ବୈଦିକ ବିବାହ ହେଉ 

ସମ୍ପର୍କ ଯଦି ତିକ୍ତ ହୋଇବ

ବହୁ କାରଣ ଅଛି ସ୍ବାମୀ, ସ୍ତ୍ରୀଙ୍କ ମଧ୍ୟରେ ସେ ତିକ୍ତ 

ସମ୍ପର୍କ ଯୋଡି ନହୋଇବ ।

ବେଦନାରେ ଉଦାସ ହୋଇ ଦୁଇ ଜଣଙ୍କର ମନେ 

ନିରାଶାର ପରିଭାଷା ତୋଳେ

ଶୁଖିଲା ପଡଇ ଛାତି, ସେ ନିଦାଘ ଅନଳ ତାତିରେ 

ପ୍ରତ୍ୟେକେ ଯନ୍ତ୍ରଣାରେ ତିଳ ତିଳ ହୋଇ ଜଳେ ।

ଉଜୁଡା କ୍ଷେତର ଲୁହ, ମଲା ଝରଣାର କୋହ, 

ଅତି ନିଦାରୁଣ କରୁଣ କାହାଣୀ

ମରୁ ମଶାଣିର ଶୋକ, ମଣିଷର ଭୋକ ସଦୃଶ

ମନରେ ଭରିଥାଏ ଦୁଃଖର ଖଣି  ।

ସ୍ବଇଛାରେ ବିବାହ ବିଚ୍ଛେଦ ଆଣିଥାଏ ଶାନ୍ତି, 

ସମ୍ପର୍କ ଯେହେତୁ ମୂଲ୍ୟହୀନ

କଳିଗୋଳ ଓ ଭୟଙ୍କର ନର୍କରୂପୀ ସମସ୍ୟାର 

ହୋଇ ଥାଏ ତ ସମାଧାନ ।