🎂🎂ଭୟାବହ ରାତ୍ରି🎂🎂

ଅମାବାସ୍ୟା ରାତ୍ରି ଅତି ଭୟାବହ

ଘନ ଅନ୍ଧକାର ହୁଏ

ପକ୍ଷୀଙ୍କର ରାବ ଶୁଭୁ ଥାଏ ପୁଣି

ଶ୍ୱାନଙ୍କ ଗର୍ଜ୍ଜନ ହୁଏ।୧।

ବ୍ୟାଟ୍ ପକ୍ଷୀ ପେଚା ରାତିରେ ଭ୍ରମଣ

ଭୟଭୀତ ମନେ ମୋର

ଚତୁର୍ଦ୍ଦିଗେ ଦିଶେ ଘନ ଅନ୍ଧକାର

ପୁଣି କୋଇଲିର ସ୍ୱର।୨।

ତାନ୍ତ୍ରିକ କରନ୍ତି ପୂଜା ସ୍ଥାନ ସ୍ଥାନ

ଭୟଙ୍କର ଅନ୍ଧକାରେ,

ଦୀପ ଜଳୁ ଥାଏ ସୁନିଶ୍ଚିତ ସ୍ଥାନେ

ଭୟ ଆଣେଟି ମନରେ।୩।

ବିରାଡ଼ି ରୋଦନ ଶୁଭୁ ଥାଏ ପୁଣି

ପକ୍ଷୀଙ୍କର କୋଳାହଳ,

ଶୄଗାଳଙ୍କ ରାବ ଭୟଭୀତ କରେ

ରାମପକ୍ଷୀ କୋଳାହଳ।୪।

ମାଡ଼ି ଆସେ ପୁଣି ପ୍ରଖର ପବନ

କମ୍ପି ଉଠେ ଦେହ ସାରା,

ପବନ ସଙ୍ଗରେ ବର୍ଷାର ତାଣ୍ଡବ

ଅତି ଭୟଙ୍କର ପରା।୫।

ଅମାବାସ୍ୟା ରାତ୍ରି ଅତି ଭୟାବହ

ଘନ ଅନ୍ଧକାର ହୁଏ,

ପକ୍ଷୀଙ୍କର ରାବ ଶୁଭୁ ଥାଏ ପୁଣି

ଶ୍ୱାନଙ୍କ ଗର୍ଜ୍ଜନ ହୁଏ।