ଭୟ

ସବୁ ମୁହୂର୍ତ୍ତରେ ଭୟର ପ୍ରହାର ଆଉ ଅତ୍ୟାଚାର 

ଜୀବନ ଆଜି ଅସହ୍ୟ ବାରମ୍ବାର ଆଘାତ ସହିସହି 

କରୋନାର ଆକସ୍ମିକ ପ୍ରବେଶ ପୁଣି ଲକଡାଉନର ନିରନ୍ତର ଉପସ୍ଥିତି ସବୁକିଛି ବିଗାଡିଦେଇଛି ତା ହାତରେ 

ଅର୍ଥ ରୋଜଗାରରର ଅନିଶ୍ଚିତତା ଆଉ ଅସମର୍ଥତା 

ଯେମିତି ଲୋଟିନେଇଛି କିଛି ନୂତନ କରିବାର ଅଭିପ୍ସା 

ପୁଣି ସମାଜର ଅତ୍ୟାଚାର ଉଭାହେଇଛି ଆଉ ଏକ ଭୟ ରୂପେ 

ଜୀବନ ଆଜି ଏକ ଅଜଣା ରାସ୍ତାରେ ଉପସ୍ଥିତ 

ଆଗକୁ ଖାଲି ଘନଘୋର ତାମସାର ଦୃଢ ଉପସ୍ଥିତି 

ଦୁର୍ବିସହ ବେଦନାର ଆର୍ତ୍ତନାଦ ଆଉ ଛାତିଫଟା ଚିତ୍କାର 

ତଥାପି ପ୍ରତୀକ୍ଷା ଏକ ଆଶାଭରା ନବୋଦିତ ଭାସ୍କରର 

କାଳେ ସେହି କିରଣର ସ୍ପର୍ଶରେ ନିଶ୍ଚିହ୍ନ ହୋଇଯିବ ସବୁ ଭୟ, ଯାତନା ଏବଂ ବିଷାଦ

ଏବଂ ପୁନର୍ବାର ସଂଚାରିତ ହେବ ଅଭିଳାଷ 

ଜୀବନକୁ ନୂତନ ଭାବେ ବଞ୍ଚିବାର ଏକ ଛୋଟ ଅଭିଯାନ |