ଭୁଲିଛି ମୁଁ ମୋ ଅତୀତ

ଭୁଲିଛି ମୁଁ ମୋ ଅତୀତ ବିତିବା ଦିନ ତ

ଭୁଲିଛି ସେଦିନ କଥା l

ଆଜି ସୁଖେ ବୋଲି ପାସୋରି ମୁଁ ଗଲି

ଗରିବୀ ଦିନର କଥା ll

ରାତ୍ରିର ଅନ୍ଧାରେ ପେଟ ତ ଭୋକରେ

ହେଉଥିଲା ଛଟପଟ l

କେବେ ପିଏ ପାଣି ଖାଏ ପୁଣି ଜାଣି

ବିସ୍କୁଟ ତ ଦୁଇ ପଟ ll

ଆଜି ସିନା ମୁହିଁ ବଦଳି ଯାଇଛି

ସମୟର ଏ ସ୍ରୋତ ରେ l

ଅତୀତର କଥା ମନେ ଆଜି କାହିଁ

ଟଙ୍କା ଅଛି ମୋ ପାଖରେ ll

ଗରିବ ପିଲାକୁ ଦେଖି ଆଜି ମୁହିଁ

କରୁଅଛି ହୀନିମାନ l

ଗରିବ ହେବାର ଦୁଃଖ କଷ୍ଟ ଆଜି

ଭୁଲିଗଲା ମୋର ମନ ll

ଟଙ୍କାରେ ଆଜି ମୁଁ ହଉଛି ବୋଳିରେ

ଭୁଲୁଛି କାଗଜ କଥା l

ପଢ଼ିବାର ଦୁଃଖ ଦାରିଦ୍ର ର କଷ୍ଟ

ଭୁଲିଛି ସେଦିନ ବ୍ୟଥା ll

ଟଙ୍କାଟେ ତ ପାଇଁ ହେଉଥିଲି ଦିନେ

ଡହଳ ବିକଳ ମୁହିଁ l

ଆଜି ପେଟେ କାର ନାତ ମାରୁ ଅଛି

ଭୁଲିଛି ସେଦିନ ମୁହିଁ ll

ସତରେ ବଦଳି ଯାଇଛି ଆଜି ମୁଁ

ବଦଳିଛି ମୋର କଥା l

ସମାନତା ଦେବା ଭୁଲିଛି ଆଜି ମୁଁ

ଖଜୁଥିଲି ସମାନତା ll

ବୁଝିବା ବୁଝେଇବା ଭୁଲି ମୁଁ ଆଜି

କହୁଛି ଅସଭ୍ୟ ଭାଷା l

ବଡ଼ ହେଲି ବୋଲି ଭୁଲି ମୁହିଁ ଗଲି

ବେଦନା ଅକୁହା ଭାଷା ll