ଲାଇବ୍ରେରୀ
ପ୍ରୋଫାଇଲ୍
ଭୁଲି ତୁମେ ଗଲ
ଭୁଲି ତୁମେ ଗଲ
1 min
191
ଭୁଲି ତୁମେ ଗଲ ଭୁଲେଇ ବି ଦେଲ
ଅସରନ୍ତି ଯେତେ ସ୍ମୃତି,
ହୃଦୟ ପଥର ସତରେ ତୁମର
ଦ୍ଵନ୍ଦରେ ଆମ ପ୍ରୀତି।
ଓଦା ଓଦା ଲାଗେ ସ୍ମୃତିରେ ଜଡ଼ିତ
ପୁନେଇର ପ୍ରତି ରାତି,
ଆଜି ବି ଜୀବିତ ମୋ ହୃଦୟେ ତୁମ
ପହଲି ପ୍ରେମର ଗୀତି।
ଆକାଶର ଛାତ ଧରଣୀ ଗାଲିଚା
ସାକ୍ଷୀ ସେଇ ତାରା କାନ୍ତି,
ସାଉଁଟେ ଆଜି ମୁଁ ପଣତ କାନିରେ
ଅଶ୍ରୁ ନୁହେଁ ସେ ଯେ ମୋତି।
ତୁମେ ସତେ ସବୁ ବିସ୍ମୃତି ଦେଲଣି
ମୁଁ ରହେ କଥା ଚିନ୍ତି,
କୁହ ତ କେମିତି ସତରେ ପାରିବି
ଭୁଲି ମୁଁ ତୁମକୁ ସାଥୀ।
