ଭୁଲ ଠିକଣା

କାଲି ତା ଲାଗି ସବୁ କିଛି ଥିଲି

ଆଜି ତା ଲାଗି ଅଜଣା

ଠିକ ରାସ୍ତାରେ ଚାଲୁଥିଲି ନା ମୁଁ

ପାଇଥିଲି ଭୁଲ ଠିକଣା।

ମାୟାବିନୀ ସାଥେ ବାଟ ଚାଲୁ ଚାଲୁ

ବାଟ ଗଲିକି କି ମୁଁ ଭୁଲି

ଜାଣି ପାରିଲିନି କେମିତି କେଜାଣି

ସେ ମରିଚିକାଟିଏ ବୋଲି।

ବଢୁଥାଏ ଯେତେ ଆଗକୁ ଆଗକୁ

ଅନ୍ଧକାର ଦିଶେ ମତେ

ପ୍ରେମର ଆଲୁଅ ଝାପସା ହେଲାଣି

ଲିଭିଜିବ କି ସେ ସତେ।

ଦୋଷୀ ଆଜି ମୁହିଁ କେଉଁ ଦୋଷରେ

ପାରୁ ନାହିଁ ଜମା ଜାଣି

ତୃଷ୍ଣାରେ ଶୁଖୁଛି ହୃଦୟ ମୋହର

କେହିଦିଅ ମତେଟିକେ ପାଣି।

ଆଉ ଆସିବିନି ଏ ବାଟରେ କେବେ

ହେବି ନାହିଁ କେବେ ବାଟବଣା

ହାତ ମାପି ଏବେ ଚାଖଣ୍ଡେ ଚାଲିବି

ଠିକ ଠିକଣା ଏବେ ଯେ ଜଣା।