ଭୁଲ୍ କାହାର
ଭୁଲ୍ କାହାର
ଯଦି କାହାକୁ ଭଲ ପାଏ ମଣିଷ ଭାବି ନିଜର
ତେବେ କୁହ ଭୁଲ୍ କାହାର ?
ନା ମଣିଷ ଜାଣି ଥିଲା ଦବ ସେ ଧୋକା,
ନା ଭୁଲ୍ ଥିଲା ତାର ଭଲ ପାଇବା ।
ଯଦି ଫୁଲଟିଏ ସକାଳେ ଫୁଟି ସନ୍ଧ୍ୟାକୁ ପାଏ ଆଖ୍ୟା ବାସିର
ତେବେ କୁହ ଭୁଲ୍ କାହାର ?
ନା ସେ ଫୁଲର ଯେ ଫୁଟି ଥିଲା ପ୍ରଭୁଙ୍କ ପାଇଁ,
ନା ସନ୍ଧ୍ୟାର ଯିଏ ଆଣେ ଶୀତଳ ଛାଇ ।
ଯଦି ଅଦିନିଆ ଝଡ଼ ଆସି ଭାଙ୍ଗି ଦିଏ ନିଡ ପକ୍ଷୀର,
ତେବେ କୁହ ଭୁଲ୍ କାହାର ?
ସେ ପକ୍ଷୀର ଯେ ରହିବା ପାଇଁ ତୋଳି ଥାଏ ଘର,
ନା ସେ ଝଡ଼ର ଯେ ଆସି ଥିଲା ନ ଦେଇ ଖବର ।
ଯଦି କେହି ଭାଙ୍ଗି ଦିଏ ହୃଦୟର ଘର
ତେବେ କୁହ ଭୁଲ୍ କାହାର ?
ସେ ହୃଦୟର ଯିଏ ରହିବା ପାଇଁ ଜାଗା ଖଣ୍ଡେ ଦେଇ ଥିଲା,
ନା ସେ ମଣିଷର ଯିଏ ହୃଦୟର ଆସନ ତାକୁ ବସେଇ ଥିଲା ।
ଯଦି ଭାଙ୍ଗି ଯାଏ ଅଧ ରାତିରେ ଘର ସ୍ବପ୍ନର
ତେବେ କୁହ ଭୁଲ୍ କାହାର ?
ସେ ସ୍ବପ୍ନର ଯିଏ ଆସି ଥିଲା ଟିକେ ଖୁସି ଦବାକୁ
ନା ସେ ରାତିରେ ଯିଏ ଅପେକ୍ଷା କରି ଥାଏ ସକାଳ ହେବାକୁ ।
ଯଦି ମୃତ୍ୟୁ ଆସେ ଅଟକେଇ ଦେବାକୁ ରାସ୍ତା ଜୀବନର
ତେବେ କୁହ ଭୁଲ୍ କାହାର ?
ଜନ୍ମ ଦେଇଥିବା ସେ ମାଆର
ନା ମୃତ୍ୟୁକୁ ତିଆରି କରି ଥିବା ସେ ଭଗବାନଙ୍କର ??
ତେବେ କୁହ ଭୁଲ୍ କାହାର !