ଲାଇବ୍ରେରୀ
ପ୍ରୋଫାଇଲ୍
ଭିକାରୀ
ଭିକାରୀ
1 min
173
ମହାଵାହୁ
ଏତିକି କରୁଣା ହେଉ
ଜୀଵ ଗଲାବେଳେ ହରେ ରାମ କୃଷ୍ଣ
ଓଠ ଧାରେ ଫୁଟୁ ଥାଉ
ଏତିକି କରୁଣା ହେଉ ।
ମୁହିଁ ମୁଢ କାମୀ ପତିତ ଅଧର୍ମୀ
ଜଞ୍ଜାଳ ରେ ବୁଡି ରହି
ହେଲି ଅଣ-ଶ୍ବାସୀ ତୋ ପଦେ ଭରଷି
ଆଶ୍ରୟ ଭିକ୍ଷା କରଇ
ମହାବାହୁ ଏତିକି କରୁଣା ହେଉ ।
କର ହେ ଭିକାରୀ ଦିଅ ପ୍ରେମ ଥାଳି
ଓଠେ ଗାଇ ପ୍ରଭୁ ନାମ
ମାଗି ମାଧୋପୁରୀ ସାଧୁ-ସେଵା କରି
ଧାୟି ଶ୍ରୀକାନ୍ତ ଚରଣ
ମହାବାହୁ, ଏତିକି କରୁଣା ହେଉ।
ଅଲଭ୍ୟ ଚରଣ ହେବ ଦରଶନ
ଏ ସୈାଭାଗ୍ୟ ମୋର କାହିଁ
ରମା ବ୍ରହ୍ମା ହର ମନ ଭୃଙ୍ଗୀ ଯାର
ପଦକଞ୍ଜ ରେ ଗୁଞ୍ଜଇ
ମହାବାହୁ, ଏତିକି କରୁଣା ହେଉ।
ଜଗତେ ଆପଣ ପତିତ-ପାଵନ
ମୁଁ କି ସଂସାରୁ ଵାହାର
ଅଜାମିଳୁଁ ବଳି ମୁଁ ମହା ପାତକୀ
କରୁଅଛି ଅଙ୍ଗୀକାର
ମହାବାହୁ, ଏତିକି କରୁଣା ହେଉ।
ଦାସ ଗଲେ ନାଶ ପାଇବ କି ଯଶ
ପ୍ରଭୁ ନିନ୍ଦା ହେବା ସାର
ଏଣୁ ନିବେଦନ କରୁଛି ଆପଣ
ଶରଣ ରକ୍ଷଣ କର
ମହାବାହୁ, ଏତିକି କରୁଣା ହେଉ।
