ଭରଷା ଅଛି ବୋଲିତ !
ଭରଷା ଅଛି ବୋଲିତ !
ଭରଷା ଅଛି ବୋଲିତ ତୁମରି ଦୁଆରେ ଆସିଛି ।
ଭରଷା ଅଛି ବୋଲିତ କେବଳ ତୁମକୁ ହିଁ ତୁମକୁ ଝୁରୁଛି ।
ଭରଷା ଅଛି ବୋଲିତ ତୁମ ରତ୍ନ ସିଂହାସନ କୁ ଏକ ଲୟରେ ଦେଖୁଛି ।
ଭରଷା ଅଛି ବୋଲିତ ଅର୍ଜଳି ଆଗରେ ଠିଆହୋଇ ସବୁ ବଖାଣିଛି ।
ଭରଷା ଅଛି ବୋଲିତ ଅପଲକ ନୟନରେ ତୁମକୁ ଦେଖୁଛି ।
ଭରଷା ଅଛି ବୋଲିତ ତୁମରି ପାଖରେ ବସିଛି ।
ଭରଷା ଅଛି ବୋଲିତ ତୁମକୁ ନିରେଖ୍, ନିରେଖ୍ ଦେଖୁଛି ।
ଭରଷା ଅଛି ବୋଲିତ ତୁମକୁ ମୋ ମନର ସବୁ କଥା କହୁଛି ।
ଭରଷା ଅଛି ବୋଲିତ ତୁମ ବଡଦାଣ୍ଡେ ଠିଆ ହୋଇଛି ।
ଭରଷା ଅଛି ବୋଲିତ ତୁମ ଶରଧାବାଲି ରୁ ଟିକିଏ ତୁଣ୍ଡରେ ମାରୁଛି ।
ଭରଷା ଅଛି ବୋଲିତ ତୁମ ନନ୍ଦିଘୋଷ ରଥଚକକୁ ଛୁଇଁଛି ।
ଭରଷା ଅଛି ବୋଲିତ ତୁମ ଅରୁଣ ସ୍ତମ୍ଭକୁ କୁଣ୍ଢେଇ ଧରିଛି ।
ଭରଷା ଅଛି ବୋଲିତ ତୁମ ବାଇଶି ପାବଚ୍ଛେ ଦୁଇପାଦ ଦେଇ ସାରିଛି ।
ଭରଷା ଅଛି ବୋଲିତ ତୁମ ସିଂହଦ୍ବାରେ ବେତମାଡ ପାଇଁ ପିଠି ଦେଖେଇଛି ।
ଭରଷା ଅଛି ବୋଲିତ ତୁମ ଗରୁଡ ସ୍ତମ୍ଭକୁ ଆପଣେଇ ନେଇ ସାରିଛି ।
ଭରଷା ଅଛି ବୋଲିତ ତୁମେ ମୋର ସ୍ୱାମୀ ବୋଲି ହୃଦୟେ ଭାବିଛି ।
ଅଛି ବୋଲିତ ମନେ ମନେ ଅମାପ ଯେତେକ ମାଗୁଛି ।
ଭରଷା ଅଛି ବୋଲିତ ନିରାଶା ମୋର ସବୁ ଆଶାରେ ଭରିଛି ।
ଭରଷା ଅଛି ବୋଲିତ ତୁମ ଇଙ୍ଗିତରେ ଆଲୋକ ଦେଖୁଛି ।
ଭରଷା ଅଛି ବୋଲିତ ମାତେ ମଣିଷ ଜନମ ମିଳିଛି
ଭରଷା ଅଛି ବୋଲିତ ଭରଷାରେ କେବଳ ଭରଷା ହିଁ ମାଗୁଛି |