ଭୋକ

ମାଗିବିନି ଭିକ

 ହେଉପଛେ ଭୋକ

     କାହା ଦୁଆରେ ହାତପାତି

ତୁମ୍ଭେ ଥାଉ ଥାଉ 

   ଆହେ ମହାବାହୁ

    ମାଗିବି କାହକୁ କେମିତି॥୦॥

ଯିବି ମୁହିଁ ପୁରୀ

  କରିବି ଗୁହାରି

  ତୋର ଦୁଆରେ ହାତପାତି

ମାଗିବାର ଅଛି 

 ଯଦି କେବେ କିଛି    

  ମାଗିବି ତୋତେ ଲକ୍ଷ୍ମୀପତି

ଭକତ ବାନ୍ଧବ 

 ତୁମେ ଯାହା ଦେବ

    ଲଭିବି ନକରି ଆପତ୍ତି ॥୧॥

କୁଡୁଆ ଖପରା 

   ଅଇଁଠା ଅବଢା

    ଖାଉଥିବି ମୁହିଁ ସାଉଁଟି

ଶୋଷ ହେଲେ ମୋତେ

    ଟଙ୍କ ତୋରାଣିକୁ 

        ପିଉଥିବିରେ ଚାଟି ଚାଟି

ଭୋଗି ଠାକୁରର

  ଯୋଗୀଟିଏ ହୋଇ

  ଗାଉଥିବି ତୋ ନାମ ନିତି ॥୨॥