ଭଙ୍ଗା ହୃଦୟ

ହୃଦୟ ତୁମକୁ ଦେଇଥିଲି ମୁହିଁ

ସାଇତିକି ରଖିବାକୁ ,

ରଖିପାରିଲନି ସେଇ ହୃଦୟକୁ 

ବିଖଣ୍ଡିତ କଲ ତାକୁ ।

ଭାବିଥିଲି ତୁମେ ଶୂନ୍ୟ ହସ୍ତେ ମୋ

 ଭରିଦେବ ପ୍ରେମସୁଧା ,

ହେଲେ ତୁମେ ମୋତେ ଦେଇଗଲ ବନ୍ଧୁ

ପ୍ରେମରେ ଅନେକ ବାଧା ।

ଧ୍ରୁବ ତାରା ପରି ଝଲସି ଉଠୁଛି 

ତୁମ କୀର୍ତ୍ତିମାନ ଯେତେ,

ସାଥେ ମିଶି ଦୁହେଁ ଅନ୍ତରର କଥା 

କରୁଥିଲେ ଆମେ କେତେ ।

ସାଜିଥାନ୍ତ ତୁମେ ମୋ ହସଖୁସିର 

ଛୋଟ ଏକ ପ୍ରତିବିମ୍ବ ,

ଅମାବାସ୍ୟା ଜହ୍ନ ସାଜିଗଲ ତୁମେ 

ମିଥ୍ଯା ପ୍ରତିଶ୍ରୁତି ତବ ।

ତୃଷ୍ଣା ମେଣ୍ଟୁଛି ମୋ ଏ ମରୁବାଲିରେ 

ପିଇ ପିଇ ଆଖି ଲୁହ ,

ପ୍ରତିଶ୍ରୁତି ଦେଇ ହୃଦୟ ଭାଙ୍ଗିଲ 

ଭରିଲ ମନରେ କୋହ ।

ତଥାପି ବଞ୍ଚିଛି ବଞ୍ଚିରହିଥିବି 

ତୁମ ସ୍ମୃତି ସାଥେ ନେଇ ,

ଭଙ୍ଗା ହୃଦୟରେ ଆଉ କେହି କେବେ 

ସ୍ଥାନ ଯେ ପାଇବେ ନାହିଁ ।