ଲାଇବ୍ରେରୀ
ପ୍ରୋଫାଇଲ୍
ଭଲପାଏ ମୁହିଁ
ଭଲପାଏ ମୁହିଁ
1 min
350
ଭାରି ଭଲଲାଗେ ସକାଳୁ ସକାନୁ
ସୁଲୁସୁଲୁ ଥଣ୍ଡା ବାଆ
ଦକ୍ଷିଣା ପବନ ସୁରୁଜ କିରଣ
ବିଭୋରପଣର ନାଆଁ।
କାକର ପଖଳା ରୂପା ଫୁଲ ପିନ୍ଧା
ଦିଗନ୍ତର ସବୁଜିମା
ଆଲୋକ ସମ୍ଭାର ଭାରି ଭଲଲାଗେ
ଭଲଲାଗେ ପ୍ରିୟତମା।
ଭାରିଭଲଲାଗେ ଝରଝର ବର୍ଷା
କଳକଳ ପାଣି ସୁଅ
କାଚକେନ୍ଦୁ ପାଣିଗଡିଆତୁଠରେ
ହଳଦୀ ରଙ୍ଗର ଦେହ।
ଭାରି ଭଲଲାଗେ ଅନ୍ଧାର ରାତିରେ
ଖଦ୍ୟୋତ ନୀଳ ଆଲୋକ
ନୀଳ ନଭସାରା ଜହ୍ନ ସହ ତାରା
ମହକିତ ଚନ୍ଦ୍ରାଲୋକ ।
ଳଙ୍ଗୀନ ପରଜାପତି ଉଡ଼ି ଉଡି
ଫୁଲ ଛୁଇଁ ଛୁଇଁ ଯିବା
ଭାରି ଭଲଲାଗେ ଶେଫାଳୀ ଫୁଲରେ
ଧରଣୀ ର ସଜହେବା।
ନାଲି ଟୁକୁଟୁକୁ ସାଧବ ବୋହୁର
ତରତର ପାଦ ଚାଲି
ସୁନ୍ଦର ଦିଶଇ ମନ କିଣିଥାଇ
ଓଢଣା ତା ମଖମଲି।
ଭଲଲାଗେ ମତେ ଶୀତୁଆ ସକାଳେ
ବାମ୍ଫଉଠା ନାଲି ଚାହା
ଧୁଧୁ ଖରା ଗ୍ରୀଷମ ସମୟେ
ପଖାଳ ତୋରାଣୀ ଖିଆ।
ଭଲପାଏ ମୁଁ ବାପାଙ୍କ ପୋଷାକ
ଲୁଚି ଲୁଚି ପିନ୍ଧିବାକୁ
ଭଉଣୀ ସହିତ ଝଗଡା ଲଗେଇ
ମା କୋଳେ ଶୋଇବାକୁ।
ଭଲପାଏ ମୁଁ ମୋ ଗାଁ ମାଟି
ପାଣି ପବନର ଛୁଆଁ
ବୟସ ଅୟସ ସରିଆସିଲେବି
ମନ ମୋ ଏବେବି ଛୁଆ।
