ଭଲପାଏ ମୁହିଁ
ଭଲପାଏ ମୁହିଁ
ଭଲପାଏ ମୁହିଁ ତୁମରି କଥାକୁ
ଶୁଣେ ସଦା କାନ ଡେରି,
ସବୁ ଜାଣି ତୁମେ ଅଜଣା ହେଉଛ
ହସୁଛି ମୁଁ ଜାଣିପାରି ।
ଭଲପାଏ ମୁହିଁ ତୁମ ଆଲିଙ୍ଗନ
ଲୋଡା ସଦା ତୁମ ବାହୁ,
ଦୂରେଇ ଦେବନି ମୋତେ ଆହେ ପ୍ରିୟ
ପାଇବି ତୁମକୁ କାହୁଁ ।
ଭଲପାଏ ମୁହିଁ ତୁମ ଓଠ ସ୍ପର୍ଶ
ସଦା ଚାହେଁ ମୁଁ ଚୁମ୍ବନ,
ଚୁମି ଅଧରକୁ ଦିଅ ତୃପ୍ତି ମୋତେ
ଶୀତଳ ଭରା ଚନ୍ଦନ ।
ଭଲପାଏ ମୁହିଁ ତୁମ ରାଗରୁଷା
ଆଉ ତୁମ ଅଭିମାନ,
ବିରକ୍ତ ହେବନି କଥାରେ ମୋହର
କଥା ଦିଅ ପ୍ରାଣଧନ ।
ଭଲପାଏ ମୁହିଁ ଭଲପାଉଥିବି
ଜୀବନର ଶେଷ ଯାଏଁ,
ଦୂରେଇ ଦେବନି ତୁମ ପାଶୁ କେବେ
ତୁମ ବିନା ମୁଁ କିଛି ନୁହେଁ ।