ଭଲପାଅ ଥରେ କହିଦିଅ

ମୁଁ ଜାଣେ ଶତକଡା ଶହେ

ଯଦିବା ତୁମେ କହିନ କେବେହେଁ

ଭଲପାଅ ବୋଲି ଏପଦଟା

ଯଦିବା କହିବାର ସୁଯୋଗଟା

ମିଳିଛି ବାରମ୍ବାର ପଲକରେ

କହିପାରିନାହଁ ଦୁର୍ଯୋଗ ବଶତଃରେ

ଏପଟେ ସେପଟର ଚାହାଣୀରେ

ପ୍ରତିଥର ଲୁଚାଇ ଦେଖିବାରେ

କିଛି ସତରେ ମାଗିବା ବାହାନାରେ

ଆଉ ପାଖରେ ବସିବାର ମୌକାରେ

ମିଛିମିଛିକା ଚିଡାରେ

ମୋ ପଛରେ ଠିଆହେବାରେ

ଆଉ ହସି ହସି ତୀକ୍ଷ୍ଣ କଟାକ୍ଷରେ

ମଜାଲାଗୁଥିଲା ଚିଡାଚିଡିରେ

କେତେ ଠାର କେତେ କଥା ମନରେ

ତଥାପି ଆଜି ଏ ଅପରାହ୍ନରେ

କିଛି ହଜିଗଲା ଭଳି ଲାଗେ

କିଛି ଲୁଚେଇଲା ପରି ଭାବେ

ନିଜର ମନର ଅନ୍ତଦ୍ୱନ୍ଦ ଭାବରେ

ଭାଷା ଓ ଭାବର ଗଭୀର ପ୍ରୀତିରେ

ଶବ୍ଦ ସବୁ ଯାବୁଡି ଧରେ

ଅଣନିଃଶ୍ବାସୀ ଲାଗେ ଛାତିରେ

କୋରି ହୋଇଯାଏ ମନଟା

ହୃଦୟରେ ସାଇତା ବିଳାପଟା

କୋହ ସବୁ ଶୂନ୍ଯ ହୁଏ

ଆଉ ଚୁପଚାପ ଲୁହଧାରେ ବହିଯାଏ

କିଛି କହିବା ପୂର୍ବରୁ

କିଛି ଜାଣିବାକୁ ଚାହିଁବାରୁ

ଆଉ ସତରେ ଏତେ ଉର୍ମିମାଳା କାହିଁକି

ସତରେ କହିଦିଅ ଥରେ ମୋତେ ଭଲପାଅ କି ।