ଭଲଭାବନା

ଫେରିଆସୁ

ପୁଣି ଆଉଥରେ ରାମରାଜ୍ୟ

ଆଉ ସତ୍ୟର ଆଗ୍ରହୀ ମାନେ

ଆଉ ଥରେ କରନ୍ତୁ ସତ୍ୟାଗ୍ରହ

ବିନା ସ୍ୱାର୍ଥରେ

ଆତ୍ମୀୟ ଦିଅନ୍ତୁ ହାତ ସହଯୋଗର

ଆଉ

ନରକ ଯାଆନ୍ତୁ ସବୁ ସ୍ୱାର୍ଥପର

ସର୍ତ୍ତହୀନ ହେଉ

ମମତା ଆଉ ଭଲପାଇବା

ପ୍ରେମରେ ନ ମିଶୁ ବିଷ

ପ୍ରେମିକମାନେ ପୁରୁଷାର୍ଥ ବଜାୟ ରଖନ୍ତୁ

ଆଉ

ପ୍ରେମିକା ହାତ ଛାଡ଼ି ନ ଯାଉ ଅଧାବାଟେ

ସାଜି ପଳାୟନ ପନ୍ଥୀ

ନିରୀହ ହୃଦୟ ମରି ନ ଯାଉ

ସୁନେଲି ସପନ ଭାଙ୍ଗି ନ ଯାଉ

ପାପୀମାନେ ପାଆନ୍ତୁ ନରକ ଦଣ୍ଡ ଏ ଧରାଧାମରେ

ଧନୀ ଆଉ ଗରିବ ଭିତରେ ନ ରହୁ

ଆକାଶ ପାତାଳର ତଫାତ

ହଜାରେ ଜାତିରେ ବନ୍ଧା ପଡ଼ି ନ ଯାଉ ମାନବିକତା

ପୁଣି

ଅନେକ ଧର୍ମ ଭିତରେ ହଜି ନ ଯାଉ ମଣିଷପଣିଆ

ଧରଣୀ ସରଗ ପାଲଟି ଯାଉ

ଭଲଭାବନା ମୋ ମନରେ ରହୁ

ଆଉ

କିଛି ନ ଥାଇ ଵି

ସବୁକିଛି ଥାଉ l