Library
Profile
ଭଲ ଲାଗେ ମୋତେ
ଭଲ ଲାଗେ ମୋତେ
ଭଲ ଲାଗେ ମୋତେ
ପକ୍ଷୀଟିଏ ଯେବେ ଆକାଶେ ଉଡେ,
ଗୀତ ଗାଇ ଗାଇ
ବରଗଛ ଡାଳେ ନୀଡଟି ଗଢେ ।
ଭଲ ଲାଗେ ମୋତେ
ଶିଶୁଟିଏ ଯେବେ ଦିଅଇ ହସି,
ସତେକି ହାତକୁ
ସରଗରୁ ଶଶୀ ପଡିଛି ଖସି ।
ଭଲ ଲାଗେ ମୋତେ
ଫୁଲଟିଏ ଯେବେ ବାଡିରେ ଫୁଟେ,
ରଙ୍ଗ ବେରଙ୍ଗର
କଅଁଳ କଢିରୁ ବାସ ଚହଟେ ।
ଭଲ ଲାଗେ ମୋତେ
ଧରିବାକୁ ଟିକି ପରଜା ପତି,
ଟିକି ଡେଣା ଝାଡି
ଏ ଫୁଲୁ ସେ ଫୁଲ ଉଡଇ ନିତି ।
ଭଲ ଲାଗେ ମୋତେ
ପିଲାମାନେ ଯେବେ ପଢି ବସନ୍ତି,
ପିତା ମାତା ଆଦି
ଗୁରୁ ଗୁରୁଜନ କଥା ମାନନ୍ତି ।
ଭଲ ଲାଗେ ମୋତେ
ସୁନୀଳ ଆକାଶ
େ ପୁନେଇଁ ଜହ୍ନ,
ମିଟିମିଟି ତାରା
ଗହଣରେ ହସି ମୋହଇ ମନ ।
ଭଲ ଲାଗେ ମୋତେ
ଶୀତୁଆ ସକାଳେ କଅଁଳ ଖରା,
ନାଚେ ବଣ ବିଲ
ନାଚେ ପରବତ ନାଚଇ ଧରା ।
ଭଲ ଲାଗେ ମୋତେ
ଗାଇବାକୁ ଗୀତ ମନ ଖୁସିରେ,
ଯେଉଁ ଗୀତ ସୁର
ମିଠା ମିଠା ଲାଗେ ପୀରତି ଝରେ ।
ଭଲ ଲାଗେ ମୋତେ
ଗାଆଁ ଆମ୍ବ ତୋଟା କୋଇଲି ସୁର,
କଳ କଳ ନାଦେ
ବହୁଥାଏ ଯେବେ ନଦୀର ଧାର ।
ଭଲ ଲାଗେ ମୋତେ
ହସେ ଯେବେ ବିଲେ ସୋରିଷ ଫୁଲ,
ରହି ରହି ବାସ
ଛୁଉଁ ଥାଏ ଦେହ ଅମୂଲ ମୂଲ ।
ଭଲ ଲାଗେ ମୋତେ
ମଧୁର ବଚନ ମଧୁର ଭାବ,
ଦୂର ହୋଇଯାଏ
ହିଂସା ଓ କପଟ ଯେତେ ଗରବ ।
